Reflexionando
Chega o momento de facer balance de todo o traballo realizado.
Reunirédesvos en grupo para debater e comentar os seguintes puntos:
- Como valoraron as vosas compañeiras e compañeiros: a historia escollida, a recreación minuciosa dos personaxes ou a elaboración das viñetas tendo en conta o aprendido sobre a linguaxe audiovisual?
- Cal foi o aspecto mellor valorado?
- Cal recibiu as valoracións máis baixas?
- Reflexionade sobre os motivos que explican esas valoracións, tanto as positivas como as negativas.
- Recollede ideas e propostas de mellora para corrixir os puntos débiles e conseguir mellorar en futuros proxectos creativos.
- Que tal foi a exposición e a publicación do libro dixital? As vosas creacións foron ben recibidas polos lectores e lectoras? Gustoulles a maneira de recuperar e contar esas historias da tradición oral?
