Practica o aprendido
É o momento de poñer en práctica os coñecementos adquiridos ata agora aplicados á escola.
Primeiro, tedes que facer o censo do alumnado do voso colexio. Para iso precisaredes a colaboración do equipo directivo para recadar a seguinte información:
1. Número de matrículas no centro dos últimos 5 anos.
2. Cantas delas eran de nenos e cantas de nenas.
Segundo, para practicar o concepto de emigración calculade canto alumnado marchou do cole cada curso.
Terceiro, para practicar o concepto de inmigración calculade canto alumnado entrou novo cada curso.
Cuarto, calculade a densidade de poboación do colexio. Para iso dividiredes a superficie total, en metros cadrados, entre o número total de alumnado.
No teu caderno, terás que reproducir esta información. Faino da forma que prefiras:
Opción 1
Gráfico de barras, onde apareza toda a información solicitada, por anos.
Opción 2
Cartel con toda a información estruturada.
Opción 3
Mural con todos os datos e debuxos.
Lectura facilitada
Toca poñer en práctica os coñecementos adquiridos.
- Primeiro: censo do colexio. O equipo directivo deberá dicirvos:
1. Número de matrículas no centro dos últimos 5 anos.
2. Cantos eran nenos e cantas nenas.
- Segundo: calcular o alumnado que entrou novo cada curso.
(Concepto de inmigración)
- Terceiro: calcular o alumnado que marchou do cole cada curso.
(Concepto de emigración)
- Cuarto, calcular a densidade de poboación do colexio.
(Superficie do cole entre o número total de alumnado)
Elixe unha opción para reproducir esta información.