Vivimos en Europa, o segundo continente máis pequeno do mundo despois de Oceanía. Europa localízase no Hemisferio Norte e está formado por 50 países, cunha gran variedade de culturas e unha historia moi rica e diversa. Ocupa unha superficie de máis de 10 millóns de km cadrados.

Ao longo da historia, vivíronse moitas guerras en Europa, sendo unha das peores a Segunda Guerra Mundial, que comezou en 1939 a rematou en 1945.

Ao rematar a Segunda Guerra Mundial, Europa estaba arrasada. O conflito armado implicou milleiros de mortos e cidades e vilas completamente destruídas. Moita xente que sobreviviu tivo que deixar o seu país e emigrar en busca dunha vida mellor.

Esta situación levou a varios países europeos a traballar xuntos en lugar de loitar entre eles. Naceu así unha unión en Europa, co fin de fomentar a paz e a prosperidade. Ao principio, só Alemaña, Francia, Italia, Países Baixos, Bélxica e Luxemburgo formaban parte desta unión. Pouco a pouco outros países incorporáronse ata chegar aos 27 que hoxe en día forman a Unión Europea. España entra xunta a Portugal na Unión Europea no ano 1986.

No ano 2002 entrou en vigor o euro (€). 20 dos 27 países da unión teñen esta moeda. O uso do euro facilita os negocios e as compras entre países.

En letra grosa, os países que non usan a "moeda única".