Se camiñamos pola rúa da nosa cidade ou vila, ou arredores, podemos atopar moitos establecementos con produtos estranxeiros.
Podemos atopar bazares, supermercados, restaurantes ou outros negocios de moitas partes do mundo.
Entrar nestes lugares pódenos mostrar cousas moi diferentes ás do noso país.
Esta riqueza cultural e gastronómica chegou a nós grazas á inmigración de persoas que viñeron ao noso país procedentes doutros lugares.
Para coñecer esta realidade buscade no lugar onde vivides, tres ou catro, establecementos de calquera tipo onde nos ofrezan produtos ou servizos propios doutros lugares e apuntade no voso caderno toda a información relevante que atopedes.
Ao rematar a busca facede un debate na clase para compartir a vosa información e dar os vosos puntos de vista.
Lembra! Para poder comprobar se a información que temos é veraz ou non, podemos facer uso de diversas fontes para recompilar información (biblioteca, internet, publicacións periódicas etc.).
Para avaliar a tarefa podedes usar esta rúbrica.
Elixe unha destas tres actividades para afianzar os contidos anteriores.
Pulsa na opción seleccionada para que se abra o despregable escollido.
Fai un plano da túa cidade ou vila, ou arredores, onde situarás os establecementos que atopaches.
Elabora unha listaxe, por tipo de establecemento, dos que atopaches na túa cidade ou vila ou arredores. Reflicte nela as peculiaridades de cada un deles.
Crea unha presentación dixital con fotografías deses establecementos.
Licenciado baixo a Licenza Creative Commons Atribución Non-comercial Compartir igual 4.0