En Galicia prevalece a existencia de parroquias a causa da dispersión da poboación. A maior parte da poboación en Galicia vive nas zonas de costa.

Unha parroquia é a agrupación de varias aldeas cun núcleo central onde está a igrexa. En Galicia hai 3.771 parroquias.

Os concellos, tamén chamados municipios, están formados por varias parroquias. En Galicia temos 313 concellos.

Cando varios concellos se agrupan, porque teñen en común, ademais da proximidade física, outras características económicas ou sociais, constitúen unha comarca. En Galicia hai 53 comarcas:

18 na Coruña, 13 en Lugo, 12 en Ourense e 10 en Pontevedra.