O mundo está formado por continentes. Vives no continente que se chama Europa. Ese continente está dividido en países.
O país onde vives chámase España. A súa vez ese país está dividido en Comunidades Autónomas. A túa chámase Galicia.
As comunidades autónomas están divididas en provincias. Cal é a túa? A Coruña, Lugo, Ourense ou Pontevedra?
Por último, dentro da túa provincia atópase a aldea, vila ou cidade onde vives. Como se chama?
Nesta actividade terás que completar uns círculos, como os da imaxe, con letra grosa.
Colocarás os círculos por tamaño.
O círculo máis grande, o do continente, será a base. Despois coloca o do país enriba, logo o da comunidade autónoma, despois o da túa provincia e, por último, o máis pequeno, será o da túa aldea, vila ou cidade.
Podes colorear cada círculo dunha cor e engadir fotos ou debuxos do que representa cada un.
Para finalizar úneos pola parte superior, de todos eles, cunha grampa ou fío groso.
Outra forma de facer esta actividade é no portátil:
- cunha presentación dixital
- cun vídeo de imaxes
- cun diálogo entre dous personaxes en Scratch.
Se te decantas por esta última opción podes autoavaliarte con esta rúbrica.
Licenciado baixo a Licenza Creative Commons Atribución Non-comercial Compartir igual 4.0