Os distintivos de eficiencia enerxética poden ser unha axuda importante para comprar dispositivos que consuman menos enerxía e ter menor impacto mediombiental.

Para lograr unha desconexión dixital efectiva é importante controlar conscientemente o tempo que pasamos conectados, buscar actividades alternativas que non requiran o uso de dispositivos dixitais e prestar atención ao impacto que ten a tecnoloxía sobre os nosos hábitos e os doutras persoas. Evitar a consulta constante de notificacións e dedicar tempo a actividades sen conexión contribúe a unha mellor saúde mental e equilibrio persoal.

Ler e analizar criticamente as políticas de privacidade permíteche coñecer como se recollen, almacenan e utilizan os teus datos persoais. Ademais, axúdache a comprender os teus dereitos, como a posibilidade de solicitar a eliminación dos teus datos ou limitar o seu uso. Non facelo pode levar a aceptar condicións que comprometan a túa privacidade sen ser consciente delas.

Cada un destes modos de copia de seguridade ofréceche vantaxes segundo as necesidades de almacenamento, eficiencia e tempo de recuperación.

Para previr o roubo de datos persoais é fundamental utilizar conexións seguras (HTTPS), protexer os dispositivos con software de seguridade actualizado e evitar compartir información persoal de forma pública en redes sociais. Tamén é esencial desconfiar de solicitudes de datos non verificadas e asegurarse de que os sitios web teñan políticas de privacidade claras antes de facilitar calquera información.

Protexer a túa privacidade en Internet require localizar e controlar a información pública sobre ti. Buscar regularmente o teu nome en motores de busca e revisar as opcións de privacidade en redes sociais axúdache a manter máis control sobre os teus datos persoais. A monitorización de contas financeiras é relevante, pero máis enfocada á seguridade financeira que á presenza en liña.

A normativa de protección de datos concede dereitos fundamentais, como limitar o tratamento dos teus datos, rectificar información incorrecta e opoñerte ao seu uso en determinados casos. Estes dereitos promoven un control activo dos datos persoais e garanten unha maior transparencia e seguridade dixital. A venda de datos non está contemplada como un dereito, senón como unha práctica que pode vulnerar a privacidade.

Para determinar a fiabilidade dunha app de saúde é fundamental asegurarse de que conta con boas referencias, análises positivas de persoas usuarias e, se é posible, respaldo de profesionais sanitarios. Ademais, identificar claramente o público obxectivo e os seus propósitos garante que a aplicación se adecúe ás túas necesidades. Factores como a cantidade de descargas, unha imaxe atractiva ou a presenza de publicidade non son indicadores fiables de calidade.

O termo vibranxiety non é recoñecido para describir a ansiedade por perderse algo nas redes sociais. Ese concepto denomínase FOMO (Fear of Missing Out).