As novas tecnoloxías forman parte da nosa vida dende fai relativamente pouco tempo, aínda que neste lapso conseguiron facerse un oco importante no día a día de moitas persoas. Incluso chegando ao punto de poder converterse nunha adicción.

A importancia é tal que no ano 2011, a oficina de correos británica Royal Mail levou a cabo un estudo cunha mostra de máis de 2000 persoas, onde máis da metade resultaron ter unha adicción ao teléfono móbil. Así se acuñou o termo inglés “nomophobia” (”no-mobile-phone-phobia”) ou nomofobia, é dicir, sentir medo ao non ter acceso ao móbil.

Pero as novas tecnoloxías van máis aló do teléfono intelixente. Os ordenadores, as tabletas, videoconsolas, reloxos, televisores..., todos teñen algo en común: unha rápida resposta aos nosos comandos e interactividade. A satisfacción producida ao utilizalos fai que sexa doado que se converta nunha adicción.