Saltar navegación

Todos e todas podemos ser emprendedores/as?

“Algunhas persoas soñan con facer grandes cousas, mentras outras están despertas e as fan”

Anónimo

O emprendedor/a nace ou se fai? Para chegar a unha conclusión veremos que significa ser unha persoa emprendedora e coñeceremos algo máis do pasado dalgúns emprendedores e emprendedoras con éxito.    

 Xa sabes o que che define, incluso podes identificar características persoais que poden axudarte a describir con máis precisión ás persoas que coñeces. Ben, iso está moi ben! Agora imos a dar un novo paso. Ao comezo, diciamos que cada persoa é única, non hai ningunha igual ca outra, somos diversos e esa diversidade forma parte da nosa identidade, pero poderiamos agrupar ás persoas por características, cualidades comúns e relacionalas co emprendemento? Probamos a ver que sae?

RETO: BUSCA, COMPARA E ATOPA Á PERSOA EMPRENDEDORA

O seguinte reto consiste en descubrir que persoas/persoaxes ficticios da presentación son emprendedoras e, describir as cualidades que lles fan ter puntos en común. 

Para elo teredes que identificar as cualidades persoais que traballamos no punto anterior e atopar características comúns nas persoas ou personaxes que vos presentamos, de maneira que poidades establecer dous grupos de persoas: emprendedoras, non emprendedoras. Isto permitirá que exploredes as vosas ideas iniciais sobre o perfil da persoa emprendedora que  máis adiante compararemos co perfil que vos facilitaremos.   

 

Como o facemos? En grupo. Tendes que facer grupiños de 3-4 persoas e seguir o seguinte esquema:

  • Indicar calidades persoais das persoas/personaxes

  • Agrupar e etiquetar as persoas/persoaxes facendo dous listas: emprendedor/a- NON emprendedor/a 

  • Xustificar as vosas conclusións

  • Expoñer na aula a vosa proposta

Recurso a empregar: Imaxe interactiva con enlaces á biografía (wikipedia) e ao trailer da película (youtube), preme nos circuliños de cada imaxe.

Autoría: Emprendedor/a: si ou non? Prendendoemprendemento. Isabel Calvo e Ana Casal.  

Xa tendes un primeiro PERFIL DA PERSOA EMPRENDEDORA, imos ver se o que atopachedes coincide co perfil que describen neste video: 

Manabum. Que é un emprendedor? - Caracteristicas. Yotube licenza estándar

    EXPOSICIÓN: PASADO E PRESENTE DOS EMPRENDEDORES E EMPRENDEDORAS

    Nesta ocasión a proposta é realizar no centro unha exposición sobre emprendedores/as. Para elo faremos unha viaxe ao pasado. Tendes que escoller do seguinte listado un emprendedor/a e buscar información do pasado desta persoa, tendes que encontrar datos de como era antes de lanzarse ao mundo empresarial ou de ser coñecido/a polo seu produto/servizo. Trataríase polo tanto de encontrar datos da súa biografía que poidan indicar que se estaba “sementando” un/unha emprendedor/a. Incluiredes ademáis unha mensaxe do “emprendedor do prensente” ao “emprendedor do pasado”. Cada grupo terá que realizar un mínimo de tres imaxes e seguir os seguintes puntos:

    1. Propor un nome para exposición

    2. Seleccionar unha imaxe actual do emprendedor/a e outra do seu pasado, se é posible de cando era estudante

    3. Recoller datos do pasado da persoa emprendedora que se relacionen co perfil de persoa emprendedora.

    4. Incluír as dúas imaxes e os datos nun cartel atractivo e imaxinativo.

    5. Escribir unha frase que lle diría o emprendedor/a do presente ao emprendedor/a do pasado e unha imaxe ou frase do servizo ou produto que ofrece na actualidade.

    6. Incluír na imaxe do pasado da persoa emprendedora datos que destaquen o seu futuro como emprendedor/a. 

    7. Colgar o cartel na exposición do centro e presentala de maneira atractiva no centro

    Finalmente, reflexiona: a persoa emprendedora nace ou se fai?

    DESCUBRE: E TI, TES PERFIL EMPRENDEDOR?

    Acabas de descubrir o perfil dunha persoa emprendedora, xa sabes identificar quen ten este perfil e quen non, ademáis fuches quen de analizar a evolución dun emprendededor/a pero...e ti? Tes perfil emprendedor? Podes descubrilo coa axuda dos seguintes recursos:

    1. XOGO DE SIMULACIÓN: 

    2. AUTODIAGNOSE DO PERFIL EMPRENDEDOR: