Saltar navegación

Emprego por conta propia: emprendemento

“Cualquera cousa que a mente poida concebir e creer, pode ser conseguida”

Napoleon Hill, escritor estadounidense

                                                                                                                                            Isabel Calvo e Ana Casal

Se buscas seguridade e comodidade persoal, mellor non te metas a emprender, xa que sacar un negocio adiante implica estar disposto a loitar, ter moita enerxía persoal e, asumir riscos.

Pero se tes unha idea e as capacidades e habilidades necesarias para levar a cabo o teu proxecto e queres desenvolver a túa carreira profesional como empresario/a, estás no apartado correcto.

O reto que che propoñemos é que decidas levar a cabo unha idea de negocio  en grupos de 4. Despois dun debate, e de analizar a vosa idea de negocio, con preguntas “ ¿Qué produtos ou servizos vou ofrecer ao mercado? Cal vai ser o meu modelo de negocio? ¿Que innovación, desde o punto de vista tecnolóxico ou empresarial, aporta a miña empresa? pasamos ao seguinte punto.

QUE É O QUE FAI FALTA PARA MONTAR UNHA EMPRESA?

Basicamente tres cousas fundamentais:

• Unha idea viable (hai que concretala, madurala e analizar a súa viabilidade)

• Un emprendedor ou emprendedores co perfil adecuado (Formación e/ou experiencia acordes coa idea, motivación empresarial, capacidade para asumir riscos, capacidade de comunicación e de "vender" ideas).

• Un plan de empresa 

Que é e para que serve o plan de empresa?

É un documento que sirve para planificar os pasos a seguir no desenvolvemento do noso proxecto empresarial

Ten  varias utilidades:

• É necesario para acceder ás subvencións que conceden os distintos organismos públicos.

• Serve tamén a empresas en funcionamento necesiten modificar a súa actividade totalmente ou parcialmente.

 A continuación proporcionamos unha serie de pautas que todo emprendedor o emprendedora debería seguir á hora de elaborar o seu Plan de Empresa.

  • IDENTIFICACIÓN Do PROXECTO
  • PLAN DE MARKETING
  • PLAN DE OPERACIÓNS
  • PLAN DE RECURSOS HUMANOS
  • PLAN DE INVERSIÓNS E UBICACIÓN
  • PLAN ECONÓMICO FINANCIEIRO
  • ESTRUCTURA LEGAL DA EMPRESA
  • CALENDARIO DE EXECUCIÓN
  • RESUMO E VALORACIÓN

 

QUE FACTORES DETERMINARÁN O ÉXITO DA MIÑA EMPRESA?

  • A existencia dun nicho de mercado desatendido ou un mal servizo ou produto ofrecido pola competencia
  • Un exhaustivo análise de mercado. Trátase de investigar se existen clientes dispostos a pagar polo que ides ofrecer. E, en ese caso, quen son, onde viven, que fan e por que comprarían o noso produto ou servizo. Tamén hai que analizar como é o sector onde vou a competir e cemo vai a evolucionar Nos próximos anos. Para obter estes  datos podedes consultarse información en Internet, realizar un traballo de campo e observación, facer pequenas enquisas e entrevistas a clientes potenciais, etc
  • Dispor dos recursos necesarios e as capacidades adecuadas.
  • Preparar unha estratexia empresarial que optimice os recursos e as posibilidades da empresa.
  • Ter capacidade directiva e de comunicación.

 

QUE DETERMINA A FORMA XURÍDICA A ELEXIR

 A elección da forma xurídica virá determinada por:

• Tipo de actividade que se vai a exercer.

• Número de participantes no proxecto empresarial.

• Responsabilidade das persoas promotoras.

• Relacións que manteñen as persoas asociadas entre si.

• Necesidades económicas do proxecto.

• Aspectos fiscais da empresa.