Saltar navegación

1.000 leguas de viaxe a min mesmo/a

AUTOCONCEPTO: AUTOESTIMA. MOTIVACIÓNS

Ao comezo desta unidade dicíasevos que a intelixencia intrapersoal está relacionada co autocoñecemento. Este novo VIDEO explícavos conceptos básicos para entender: que é o autoconcepto, a diferencia autoconcepto-autoestima e, a importancia das motivacións. 

Prendendo o emprendemento. Autocoñecemento. Isabel Calvo e Ana Casal

Acabas de ver como a medida que nos facemos maiores as nosas autopercepcións son máis detalladas e analíticas e determinados criterios como os físicos deixan de ser ser tan importantes para dar maior peso a outros. 

 LEMBRA: a opinión que tes de ti mesmo/a evoluciona!.

Xa sabes un montón de cousas sobre o Autocoñecemento, sabes porque é tan importante para tomar decisións, sabes que ten etapas e que podemos ter dificultades para recoñecer as nosas cualidades, tamén eres consciente de que autocoñecerse e ter metas fainos máis independientes, menos vulnerables á manipulación. É momento de seguir avanzando no autocoñecemento, fixándonos agora nas competencias que se requiren actualmente no mundo laboral. Coñecer o teu nivel de desenvolvemento actual nestas competencias te marcará a ruta persoal e profesional a partir de agora.

COMPETENCIAS PERSOAIS E PROFESIONAIS

Seguramente en moitas ocasións tes escoitado ou incluso comentado “para que hai que estudar todo isto?”. No seguinte video poderás encontrar a resposta. Hai máis relación entre o que estudas e o mundo laboral do que seguramente pensas. Presta moita atención á historia do reclutamento de traballadores/as, que é a que xustifica que no sistema educativo falemos de competencias. 

Prendendo o emprendemento. Competencias profesionais. Isabel Calvo e Ana Casal

ACTIVIDADE: DAFO

Damos un novo paso, é momento de analizar as túas limitacións, os teus potenciais, as túas fortalezas e as túas debilidades. Descubrilo permitirache identificar máis facilmente as competencias e calidades nos persoaxes escollidos para facer a súa biografía, facer a túa biografía e coñecerte un pouco máis.

Imos a axudarche cun dos recursos que se empregan no mundo laboral para estudiar a viabilidade dunha empresa: a táboa DAFO!! Un DAFO é unha táboa cuias siglas fan referencia ás seguintes matrices: Debilidades, Ameazas, Fortalezas e Oportunidades. Xa que o noso obxectivo final é descubrir a nosa capacidade para emprender que mellor que empregar un recurso propio no mundo das persoas que emprenden proxectos!

ACTIVIDADE: FORTALEZAS E COMPETENCIAS PROFESIONAIS

Agora vas a dar un novo paso e relacionar as túas fortalezas coas competencias profesionais que se esixen en varios postos de traballo. Para elo deberás :

1. botar unha ollada ás competencias das profesións do seguinte enlace: http://www.sepe.es/indicePerfiles/indicePerfiles.do?idioma=es

2. escoller tres opcións profesionais que inclúan as fortalezas que indicaches no teu DAFO 

Esta actividade é individual, lembra empregar o teu diario de traballo.

PRODUTO: COLECCIÓN DE BIOGRAFÍAS

Xa sabes un montón de cousas, así que agora propoñémoste realizar un produto: unha colección de biografías que publicaredes empregando Calameo ou Issuu (ver titoriais) e terá dúas partes:

  • 1ª parte (grupal): colección de biografías breves de persoas coñecidas que ao longo da historia fixeron unha aportación importante á humanidade. Xunto á biografía e na folla seguinte debe aparecer unha relación das cualidades e competencias persoais e profesionais da persoa que describides. Para elo teredes que profundizar na comprensión dalgunhas destas calidades e competencias que se explican nos vídeos anteriores.

  • 2ª parte (individual): colección coas vosas biografías resaltando en positivo algunhas das cualidades que descubrides en vós mesmos/as; tendes que incluír, igual que na primeira parte, cualidades en positivo e competencias persoais e preprofesionais.

Para completar, teredes que:

  • propoñer un título para a colección de libros da aula e facer unha introdución na que se describa que encontraremos na colección xustificando a relación da importancia do autocoñecemento para ser autónomos/as.

  • descubrir a que compañeiro/a corresponde as biografías do alumnado da clase; será moi curioso intercambiar opinións e coñecer se estas coinciden, isto permitirá ser conscientes da visión que os demáis teñen de nós memos/as.

Recursos para elaborar o documento 

Recursos para coñecerse a se mesmo