OS CAMIÑOS COMO PATRIMONIO MUNDIAL

Entre todo o Patrimonio hai fitos extraordinarios, dixemos que son recoñecidos en todo o mundo e teñen un nivel de protección máis amplo, unha protección global. Os Camiños do Norte, Primitivo, o Francés teñen esa máxima protección posible. Fan parte do  Patrimonio Mundial.

A lista do Patrimonio Mundial que é elaborada pola UNESCO, é un legado de monumentos e sitios de grande riqueza natural e cultural que pertence a toda a Humanidade. Estes lugares cumpren unha función de fitos no planeta, de símbolos de toma de conciencia de estados e de pobos  como transmisores da cultura global a xeracións futuras.

Esta é a lista que podes consultar na web: 

Nesta lista só están aquelas paraxes, elementos de singular importancia para os homes e mulleres de todo o mundo ,aquelas que nos fan sentir orgullosos e orgullosas das nosas diferentes culturas.

Sabes que...?

Parece que os Camiños non só son de aqueles sitios por onde pasa, ou polas vilas que comunica. Parece que é algo de todos. 

Por iso publicáronse  os decretos 267/2012, para marcar de un modo claro  Camiño de Santiago do Norte; e o decreto 158/2014, polo que se aproba a delimitación do Camiño de Santiago do Norte, Ruta da Costa. Serven para aplicar uns criterios comúns ,para definir o que é histórico, o valor inmaterial, a enquisa etnográfica, como imos ver, o territorio, as infraestruturas e o réxime de propiedade da terra para os Camiños como Patrimonio da Humanidade.

En setembro de 2014 foi avaliado por dous técnicos do Consello Internacional de Monumentos e Sitios Histórico-Artísticos (ICOMOS), órgano asesor da UNESCO. Os avaliadores percorreron 1.500 km. de rutas e coñeceron, un a un, os 16 lugares vencellados ao Camiño de Santiago do Norte propostos para a súa inscrición na Lista do Patrimonio Mundial.

En novembro e decembro de 2014, o ICOMOS requiriu información complementaria e no mes de maio achegouse a avaliación final, recomendándose a inclusión na Lista do Patrimonio Mundial dos camiños do norte.