CLASIFICAMOS O PATRIMONIO

O Patrimonio está constituído por todos os bens materiais e inmateriais que, polo seu recoñecido valor propio, deben ser considerados como de interese relevante para a permanencia e a identidade da cultura a través do tempo. Dentro dese Patrimonio, os Camiños de Santiago ocupan un lugar importantísimo.

Podemos diferenciar as seguintes categorías de bens patrimoniais: 

1. Inmaterial:  segundo a UNESCO,  inclúen:

• Tradicións e expresións orais, incluídos os idiomas como vehículo do Patrimonio Cultural Inmaterial.
•  Artes do espectáculo. 
• Usos sociais, rituais e actos festivos. 
• Coñecementos e usos relacionados coa natureza e o universo.
• Técnicas artesanais tradicionais.

2. Material. É un recoñecemento da UNESCO aos lugares que posúen un valor universal excepcional. E de aí que o seu disfrute, coidado e conservación pase a ser recoñecido por todos os pobos do mundo. Inclúen os edificios históricos, xacementos arqueolóxicos e obras de arte.

3. Natural. Está representado polos monumentos naturais construídos por formacións físicas biolóxicas ou por grupos destas formacións, dun valor universal excepcional, dende o punto de vista científico.