6. Glosario

A

• Alpes

Importante cadea de montañas situada na Europa central. O seu punto máis alto é o Mont Blanc con 4810 m.

• Andes

Sistema montañoso que percorre América do Sur bordeando a costa do océano Pacífico ao longo de 7.500 km. O seu punto máis elevado é o cume do Aconcagua, que se atopa a 6.962 m.

• Atmosfera

Envoltura gasosa que rodea a Terra e outros planetas.

• Axentes xeolóxicos internos

Forzas internas da Terra que orixinan deformacións na codia: sismos, volcáns, ...

C

• Compactación

Proceso de achegamento das partículas que compoñen a rocha.

• Cristal

Sólido homoxéneo que ten ordenadas as partículas que o forman. O proceso de cristalización require tempo e condicións axeitadas.

D

• Densidade

Relación entre a masa e o volume dun corpo. d = m/V

E

• Elementos radioactivos

Elementos químicos capaces de emitir radiacións que poden impresionar placas fotográficas, producir fluorescencia, etc. Exemplos: radio, uranio e radon.

• Enerxía

É a capacidade que ten un corpo para producir un traballo.

• Erosión

Proceso de desgaste dos materiais que constitúen a superficie sólida terrestre pola acción de axentes xeolóxicos externos, como as augas superficiais, o vento, os seres vivos, etc.

F

• Fluído

Substancia que se deforma con facilidade adaptándose ao recipiente que a contén. Son fluidos os gases e os líquidos.

• Fonte termal

Lugares onde xorde auga da terra a unha temperatura máis ou menos elevada. É unha manifestación da calor interna do noso planeta.

•  Fundido

Que pasou do estado sólido ao líquido por un aumento da temperatura.

G

• Grandes cordilleiras

Formacións montañosas máis importantes da Terra: Himalaia, Andes, Alpes, ...

H

• Hidrosfera

Parte líquida da Terra: océanos, mares, ríos, lagos, ...

• Himalaia

Unha das grandes cordilleiras. Está en Asia, entre a China, a India e Paquistán.

• Homoxéneo

Constituído por elementos da mesma natureza ou moi semellantes. Non se poden distinguir compoñentes a simple vista.

L

• Lados homólogos

Os que se corresponden.

O

• Ondas sísmicas

Propagación de perturbacións producidas nos terremotos. Transmítense como as ondas que se producen na auga cando deixamos caer unha pedra na súa superficie.

• Oroxenia

Formación de montañas e cordilleiras.

P

• Pireneos

Unha das grandes cordilleiras de Europa, situada entre España e Francia.

• Polígonos

Figura xeométrica limitada por segmentos chamados lados.

• Presión

Relación entre a intensidade dunha forza e a superficie sobre a que actúa. P = F/S

• Proporcionais

Dise de dúas magnitudes entre as que se establece unha relación que implica que cando unha delas se multiplique por un número a outra tamén se ve multiplicada polo mesmo número.

S

• Solidificación

Cambio do estado líquido ao sólido por un descenso da temperatura.

X

• Xeosfera

Parte estrutural da Terra que se estende desde a superficie ata o centro do planeta. Está constituída por rochas en estado sólido ou fundidas.