2.1 A enerxía e os cambios

A enerxía é o elemento necesario para que se produzan cambios nun corpo e no seu contorno. Debido á enerxía prodúcense cambios na natureza:

• A calor do sol transfórmase en enerxía mecánica cando quenta o aire e orixina os ventos.
• A calor do sol transfórmase en enerxía mecánica ao quentar a auga e iniciar o seu ciclo.
• A luz do sol transfórmase en enerxía química na fotosíntese, para así poder medrar as plantas.                                   
• A luz do sol produce un cambio cando quenta, por exemplo, o interior da casa.

Ciclo da auga

Outros cambios prodúcense pola enerxía que se transforma nas máquinas:

• Nun coche a enerxía producida polo combustible permítelle mover as rodas.
• Nunha estufa a enerxía eléctrica permite quentar a estancia.
• Un alternador é unha máquina que transforma a enerxía mecánica en enerxía eléctrica.
• Nun muíño a enerxía do vento transfórmase en enerxía mecánica.

Como temos visto, a enerxía pode ter procedencias diversas e manifestarse de moitos xeitos diferentes; imos ver agora as formas principias de enerxía que coñecemos e que máis adoitamos utilizar.