Reflexionemos
Se chegaches ata aquí, saberás que a Idade Media, en Europa en xeral, e na Península Ibérica en particular, non é tan escura como se di, nin é un período histórico falto de cultura e arte como se pensa.
Seguramente, logo do traballo desenvolvido, terás recoñecido a presenza da Idade Media nas nosas parroquias e nos nosos concellos.
Desenvolto o reto, no que analizaches a contorna do teu instituto, recoñecendo as obras románicas ou góticas existentes, seguro que poderiades resumir o voso traballo coa idea de que "Galicia é un museo da Idade Media ao aire libre", pola existencia de igrexas parroquias, catedrais urbanas, cascos antigos das cidades, pontes, enxeños hidráulicos e, especialmente, cos diversos camiños de peregrinación a Santiago.
Chega agora o momento de elaborar as conclusións do noso traballo e expoñelas na clase.
Conclusións
- Repasamos o paso da Idade Antiga á Idade Media e os acontecementos históricos que o provocaron.
- Coñecemos a sociedade estamental e analizamos as desigualdades sociais e as relacións de dependencia persoal que as caracterizaron.
- Identificamos o feudalismo como un sistema social, político e económico da Idade Media, dende o século IX ao XV, que estivo caracterizado polo sistema de vasalaxe.
- Descubrimos os castelos como as construcións características das damas e cabaleiros, en definitiva, do estamento nobiliario (privilexiado).
- Recoñecemos os mellores espazos físicos para a localización de castelos, mosteiros, templos ou poboados (cristiáns, viquingos ou musulmáns).
- Identificamos o contexto histórico no que xurdiron e as principais características dos estilos artísticos da Idade Media (románico, gótico, hispanomusulmán, mudéxar, mozárabe).
- Localizamos as principais manifestacións artísticas e aplicamos os nosos coñecementos para identificar e clasificar as obras segundo o seu estilo.
Ten en conta que debes cubrir o bloque 5: Explorar Reto final do teu