A construír!

Chegou o momento de poñerse mans a obra! Cando esteades construíndo o prototipo, recordade que o máis importante é traballar xuntos.

Primeiro, compartide todas as ideas que vaian xurdindo e poidan mellorar o deseño que xa tedes.
Durante a construción, todos debedes estar implicados en cada paso: ninguén debe quedar sen facer tarefas, porque cada parte do proxecto é importante. Hai moitas tarefas que facer como cortar materiais, montar a estrutura ou facer as probas. Asegurádevos de que todos esteades a traballar ao mesmo tempo.
Durante as probas para mellorar o prototipo usade os ovos impresos en 3D. Analizade xuntos que fallou e pensade en novas solucións. O proceso tamén implica aprender dos erros, así que colaborade, escoitádevos entre vós e usade a vosa creatividade para mellorar o deseño.
- Empregade a cámara de vídeo para captar diferentes momentos das vosas probas. Esa información será moi útil para identificar erros así como para facer a presentación dos vosos resultados.
Cando pensedes que o voso prototipo está listo, pedídelle a persoa mestra un ovo de verdade para facer as probas definitivas e ver se realmente funciona.

Despois de facer varias probas xa estamos no momento de cubrir os apartados restantes da lista de cotexo.

Lectura facilitada

É o momento de poñerse a construír!

O máis importante é traballar xuntos.

Compartide todas as ideas que vaian xurdindo.

Así podemos mellorar o deseño.

Todos debedes estar implicados en cada paso.

Ninguén debe quedar sen facer tarefas.

Hai moitas tarefas que facer como:

cortar materiais.
montar a estrutura.
facer as probas.

Traballade todos e todas ao mesmo tempo.

Durante as probas para mellorar o prototipo usade os ovos impresos en 3D.

Analizade xuntos que fallou.

Pensade en novas solucións.

O proceso implica aprender dos erros.

Tedes que colaborar, escoitarvos e usar a vosa creatividade

.Empregade a cámara de vídeo para captar diferentes momentos das vosas probas.

Esa información será moi útil para identificar erros.

Tamén a usaredes para a presentación dos vosos resultados.

Pedídelle a persoa mestra un ovo de verdade para facer as probas definitivas e ver se realmente funciona.

Cubre os apartados que quedan da lista de cotexo.

Audio

Presentamos o noso prototipo aos demais

É hora de que presentedes o prototipo e probar diante dos outros equipos se consegue superar o reto ou non. Para iso utilizaredes o formato de presentación que podedes descargar nesta ligazón. Deberedes empregar a presentación, enchendo en cada páxina a información necesaria. As páxinas son:

Portada: Debedes poñer o nome do equipo e das persoas integrantes.
O noso prototipo: Aquí engadiredes o nome do voso prototipo e unha fotografía del.
Fundamentos teóricos: Explicaredes brevemente en que aspectos teóricos do tema vos centrastes para desenvolver o prototipo.
Funcionamento: Compartiredes algunha foto ou vídeo do proceso e das probas realizadas.
Dúbida: Neste punto da presentación preguntaredes aos outros equipos se confían en que o prototipo funcione ou non. Votarán cunhas palas e contaredes cantos están a favor e cantos pensan que Humpty escachará contra o chan. Seguidamente faredes a proba do voso prototipo diante dos outros equipos.
Conclusión: Por último expoñeredes onde estivo, segundo vós, a clave do éxito ou fracaso do voso prototipo.

Lectura facilitada

Agora ides presentar o prototipo diante dos outros equipos.

Tamén ides probar se consegue superar o reto ou non.

Utilizaredes o formato da presentación do enlace.

Deberedes empregar a presentación enchendo en cada páxina a información necesaria.

As páxinas son:

Portada: Debedes poñer o nome do equipo e das persoas integrantes.
O noso prototipo: O nome do voso prototipo e unha fotografía del.
Fundamentos teóricos: Explicaredes brevemente os aspectos teóricos que usastes para desenvolver o prototipo.
Funcionamento: Compartiredes algunha foto ou vídeo do proceso e das probas realizadas.
Dúbida: Neste punto da presentación preguntaredes aos outros se creen que funciona ou non.
- Votarán cunhas palas e contaredes cantos creen que funcionará e cantos non.
- Seguidamente faredes a proba do voso prototipo diante dos outros equipos.
Conclusión: Explicaredes porque funcionou ou porque non.