Glosario

Cambiar

Definición:: Sufrir alteración, facerse distinto a como era antes.
Exemplo:: A auga ao quecerse vai cambiar de estado líquido a estado gasoso.

Escachar

Definición:: Romper [un obxecto fráxil] en cachos.
Exemplo:: Escachou o vidro da ventá dunha pedrada.

Evitar

Definición:: Impedir que suceda ou que se leve a cabo algo.
Exemplo:: Hai que evitar que o ovo rompa.

Innovar

Un deseño moi orixinal

Definición:: Dise de aquilo que é creativo, orixinal ou que propón cambios ou melloras en algo.
Exemplo:: Ese deseño é diferente a todo o demais, é moi innovador.

Permanente

Un reloxo onde sempre xira o tempo.

Definición:: [Cousa] que continúa no mesmo estado en que se atopa, que non se interrompe ou varía nunca.
Exemplo:: Ese cambio non se pode desfacer, é permanente.

O destino de Humpty Dumpty

Coñecedes a Humpty Dumpty? Tal é como di a canción tradicional:

Humpty Dumpty sentou nun muro,
Humpty Dumpty tivo unha gran caída.
Nin todos os cabalos nin todos os homes do rei
puideron a Humpty recompoñer.
Autoría descoñecida

Atréveste a evitar que Humpty Dumpty escache contra o chan ao caer do muro?

Non fuches quen de evitar que Humpty Dumpty escachase contra o chan, a que non?

O que nos conta a historia de Humpty Dumpty é que hai situacións que unha vez que pasan xa non se poden cambiar, é dicir, que son irreparables ou permanentes.

Lectura facilitada

Coñecedes a Humpty Dumpty? Tal é como di a canción tradicional:

Humpty Dumpty sentou nun muro,
Humpty Dumpty tivo unha caída.
Nin todos os cabalos nin todos os homes do rei recompuxeron a Humpty.

Evita que Humpty Dumpty escache contra o chan.

Evitaches que Humpty escachase contra o chan?

Seguro que non.

A historia de Humpty Dumpty cóntanos que hai situacións que non se poden cambiar.

Non se poden reparar. Son permanentes.

Audio

Coñece mellor a Humpty Dumpty

Queres saber máis sobre o noso amigo Humpty Dumpty?

Pois aínda que pareza incrible a súa historia comeza en Inglaterra, concretamente no ano 1648 durante a guerra civil inglesa. Nesa data a cidade amurallada de Colchester estaba a ser asediada polo inimigo, pero os habitantes de dita cidade tiñan unha arma secreta, o xigantesco canón Humpty Dumpty. Si, oíches ben, Humpty Dumpty na súa orixe era un canón, ou iso din.

Non se sabe con seguridade por que tiña ese nome, pero o que si se sabe e que os homes que atacaban a cidade lograron derribar o muro onde estaba situado e tirar o canón ao chan. Debido ao seu enorme peso, os homes do rei non puideron volver a colocalo na súa posición orixinal, e ficou no chan para sempre.

Pronto esta historia, verdadeira ou non, converteuse nunha canción infantil que en ton burlón dicía así:

"Humpty Dumpty sentou nun muro,

Humpty Dumpty tivo unha gran caída.

Nin todos os cabalos nin todos os homes do Rei

Puideron a Humpty recompor xamais."

Neste texto xa non se dicía que Humpty Dumpty fora un canón, nin tampouco que fora un ovo, pero o feito de que na xerga inglesa da época, se usara este nome "Humpty Dumpty" para referirse a alguén torpe e pequeno, fixo que a xente esquecera a súa verdadeira orixe.

Foi no ano 1871 cando Humpty Dumpty apareceu por primeira vez con forma de ovo da man do escritor Lewis Carroll, que converteu ao ovo nun personaxe antropomórfico que falaba de filosofía con Alicia na obra “A través do espello”.

Ao longo do tempo tamén inspirou a numerosos artistas e apareceu en numerosas obras literarias e en televisión, como por exemplo cando foi o protagonista dun anuncio de 'Kinder Sorpresa' no ano 1984 ou por ser o antagonista do Gato con botas na película da franquía 'Shrek'.