Saltar navegación

2.1. Canto sabemos da materia?

 

Glosario

Debate

Dúas persoas falando, compartindo opinións.

Definición:

Falar sobre un asunto entre dúas ou mais persoas que poden ter opinións diferentes.

Exemplo:

No debate cada un dixo a súa opinión.

Estratexia

Unha persoa debuxando nunha pizarra os pasos para facer algo.

Definición:

Proxecto de accións coordinadas para levar a cabo unha empresa ou obxectivo.

Exemplo:

O equipo está a elaborar a súa estratexia para gañar o partido.

Evocar

Unha persoa lembrando algo.

Definición:

Traer á memoria.

Exemplo:

Sempre que veño ao pobo evoco a miña infancia.

Viceversa

Dúas persoas pasándose á vez unha pelota e devolvéndoa a outra persoa.

Definición:

Significa “ao revés”. Usámolo cando algo pode funcionar de dúas maneiras.

Exemplo:

Inma axudou a Adrián a facer o seu proxecto, e viceversa.

Por que rompen as cousas?

Diferentes cousas rotas.

Algunha vez pensaches por que rompen as cousas? Por que cambia a forma dun obxecto? Todos os obxectos rompen ou cambian igual? Ten algo que ver coa materia/material co que están feitos? Que é iso que lle chaman materia?

Ides facer unha estrutura chamada “folio xiratorio” en equipos para responder a estas cuestións e posteriormente realizaremos un debate entre todos os grupos. Será unha oportunidade fantástica para ser conscientes do que sabedes, para lembrar ou descubrir novas palabras e así construír coñecementos xuntos.

Cada persoa escribirá unha idea e pasará o folio no sentido das agullas do reloxo á seguinte persoa do equipo, que poderá engadir algo novo ou completar o xa escrito. Cando rematedes de escribir todo o que sabedes, debateredes sobre as seguintes cuestións:

  • Había algunha palabra que non coñecías?
  • Tiñas algunha palabra anotada que outros equipos non tiñan ou viceversa?

Que sabedes sobre a materia?

Unha táboa de rexistro con dúas columnas.

Cando afrontades un novo proxecto, moitas veces xa tedes coñecementos sobre o tema do que trata ou dos contidos relacionados co mesmo que vos poden axudar a sacalo adiante.

Tamén pode pasar ao contrario e creedes que sabedes moito sobre algo e ao final resulta que tedes dúbidas ou erros que vos poden entorpecer na vosa aprendizaxe.

Ides activar eses coñecementos previos a través dunha estratexia de evocación chamada policías e ladróns. 

Fai dúas columnas nun folio: policías e ladróns. Na primeira columna escribe a información que recordes sobre a materia. Para iso terás entre catro ou cinco minutos. Cando remates, pasas a cubrir a columna dos ladróns. Levántate e camiña pola aula amosando o que escribiches e vendo o que escribiron as demais persoas. Así poderás "roubar" a información que non teñas e engadila a túa ficha na columna dos ladróns.  

Lectura facilitada

Cando afrontades un novo proxecto ás veces sabedes máis do que creedes sobre o tema.

Tamén pode pasar ao contrario e creedes que sabedes moito sobre algo e ao final resulta que tedes dúbidas ou erros.

Explicación da actividade:

Nun folio fai dúas columnas: policías e ladróns.

Na primeira columna de policías escribe a información que saibas sobre a materia.

Terás entre catro ou cinco minutos.

Despois, levántate e camiña pola aula comparando a tu información coa dos demais.

Podes copiar a información que ti non teñas na columna dos ladróns.

Feito con eXeLearning (Nova xanela)