O deseño de tod@s

Coas ideas recollidas nos papeis da fase de empatizar, definir e idear terás que facer ou propoñer unha idea para conseguir o reto de que Humpty non escache contra ao chan ao caer dunha altura.

Catro Humpties pensando xuntos o deseño do prototipo Fai un bosquexo nun folio, incluíndo varios debuxos do teu prototipo dende varias perspectivas, incluíndo os materiais que crees que se deberían empregar.

Para decidir que prototipo levaredes a cabo no equipo imos a facer a estrutura de aprendizaxe cooperativo 1-2-4. Consistirá en:

Cada persoa do equipo fai o seu bosquexo. (1)
Por parellas amósanse o bosquexo e entre os dous escollen un, o redeseñan un novo con ideas dos dous.
Cada parella amosa o bosquexo a outra parella e entre os catro escollen un, ou redeseñan un novo con ideas presentes en ambos. (4)

Agora que pensastes ideas, e tedes unha de equipo, podedes cubrir os dous primeiros apartados da lista de cotexo.

Lectura facilitada

Agora vas propoñer unha idea para conseguir o reto de que Humpty non escache contra ao chan ao caer dunha altura.

Fíxate nas ideas dos papeis da actividade anterior.

Fai un bosquexo nun folio.

Inclúe varios debuxos do teu prototipo dende varias perspectivas.

Inclúe os materiais a empregar.

Decidiredes o prototipo en equipo coa estrutura de aprendizaxe cooperativo 1-2-4.

Consistirá en:

Cada persoa do equipo fai o seu bosquexo. (1)
Por parellas amósanse o bosquexo e escollen un. Tamén o poden redeseñar con ideas dos dous.
Cada parella amosa o bosquexo a outra parella. Entre os catro escollen un. Tamén o poden redeseñar con ideas dos dous. (4)

Xa tedes unha idea de equipo. Cubre os dous primeiros apartados da lista de cotexo.

Audio

Preparámonos para construír

Unha vez que temos a idea do noso prototipo, é importante representala mais detalladamente. En equipo deberedes debuxar un bosquexo do deseño que axude a construír paso a paso o prototipo final prestando especial atención aos seus compoñentes.

O bosquexo terá que incluír:

Estrutura xeral.

Tedes que responder preguntas tales como:

De que tamaño vai ser?
Como será a súa forma e estrutura?
Que materias imos empregar?

A protección interna

Como ides a distribuír os materiais de protección arredor do ovo?

Os puntos de suxeición

Como se manterá o ovo no seu lugar dentro do prototipo?

Unha mención especial ocupan os materiais a empregar e a súa dispoñibilidade

É importante que valoredes ben os materiais que se usarán no deseño. Facede unha listaxe dos materiais que considerades útiles, tendo en conta tanto as súas propiedades.

Algunhas preguntas a considerar:

O material é flexible e pode absorber o impacto?
É lixeiro para que o prototipo non sexa demasiado pesado?
É fácil de conseguir?
Pódese manipular de xeito sinxelo (cortar, pegar, montar)?

Fíxate no terceiro apartado da lista de cotexo, crees que a vosa idea cumpre os requisitos?

Lectura facilitada

Temos que representar a idea do noso prototipo mais detalladamente.

En equipo deberedes debuxar un bosquexo do deseño.

Para construír paso a paso o prototipo final.

Hai que prestar especial atención aos seus compoñentes.

O bosquexo terá que incluír:

Estrutura xeral: Tedes que responder preguntas tales como:
- De que tamaño vai ser?
- Como será a súa forma
- Como será a súa estrutura?
- Que materias imos empregar?
A protección interna: Como ides distribuír os materiais de protección arredor do ovo?
Os puntos de suxeición.
- Como queda o ovo no seu lugar dentro do prototipo?

Hai que pensar os materiais e a súa dispoñibilidade

Hai que valorar as súas propiedades:

O material é flexible
O material pode absorber o impacto?
O material é lixeiro?
É fácil de conseguir?
Pódese cortar, pega ou montar de xeito sinxelo?

Cubre o terceiro apartado da lista de cotexo. A vosa idea cumpre os requisitos?