Como deseñar o prototipo
Para levar a cabo o noso prototipo, os equipos ides seguir o método do Design Thinking, unha ferramenta creativa que nos axudará a atopar a mellor solución para conseguir o reto. Aquí tedes os pasos que seguiremos:
1. Empatizar
Antes de comezar a deseñar, necesitas comprender o reto. Reflexiona cos teus compañeiros/as de equipo porque rompe o ovo ao caer. Pensa que materiais ou estruturas poderían reducir o impacto...
2. Definir
Define o obxectivo principal do voso prototipo e establece as limitacións sobre os materiais que empregaredes. Ten en conta conceptos vistos ao longo da situación de aprendizaxe como a flotabilidade, a aerodinámica e a resistencia ao impacto.
3. Idear
Pensa en solucións creativas: Poderías reducir a velocidade de caída? Podes construír unha estrutura que absorba o impacto? Podes aproveitar a flotabilidade do ovo?... Non desbotes ningunha idea, nin as que penses que son malas, apunta todo!
4. Prototipar
Ponte mans á obra e constrúe o teu prototipo. Escolle os materiais segundo a idea do equipo. Para traballar coa flotabilidade, usade materiais que manteñan o ovo “suspenso”, como globos cheos de aire ou estruturas de espuma. Se apostades pola aerodinámica, deseñade paracaídas con tea ou papel lixeiro que freen a caída. Para a resistencia ao impacto, empregade materiais que amortezan o golpe, como algodón, esponxas ou caixas con recheo.
É importante que o prototipo sexa funcional, pero tamén podedes engadir detalles creativos!
5. Probar e mellorar
Proba o teu prototipo deixando caer o ovo desde a altura establecida. Recolecta datos sobre se o ovo rompe ou queda intacto, que funcionou ben e que se pode mellorar... Se algo non funciona, non pasa nada: redeseña e proba de novo.
6. Compartir e reflexionar
Por último, presenta o voso prototipo ao resto de equipos, explica o voso deseño e os conceptos científicos empregados (flotabilidade, aerodinámica etc...).
Reflexionamos sobre o proceso: Que aprendemos? Que fariamos diferente a próxima vez?
Lectura facilitada
Imos facer un prototipo.
Usamos o método Design Thinking.
Pensamos no problema.
Falamos co equipo.
Observamos como cae o ovo.
Imaxinamos materiais que amorticen o golpe.
Decidimos o obxectivo do prototipo.
Escribimos as limitacións dos materiais.
Lembramos o que aprendemos.
Anotamos moitas ideas.
Compartimos as ideas co equipo.
Escollermos as mellores ideas.
Construímos o prototipo.
Escollemos os materiais.
Probamos o prototipo.
Observamos se o ovo rompe.
Anotamos os resultados.
Melloramos o deseño se é preciso.
Presentamos o prototipo á clase.
Explicamos o que fixemos.
Contamos os materiais usados.
Nomeamos os conceptos científicos.
Reflexionamos sobre o proceso.
Escribimos o aprendido.
Gardamos as ideas no cartafol.
Pegamos os papeis coas ideas.
Eliximos as ideas máis útiles.
folio A3 no que marcaredes as distintas partes do pensamento de deseño.