Orientacións
Neste momento xa coñeces diferentes elementos que podes empregar para compartir os teus coñecementos cun público real. A proposta para lograr o seguinte reto é que escollas en cal destes elementos queres especializarte e así formar parte do equipo que creará os produtos necesarios para a celebración do congreso científico.
Para lograr este reto debes traballar no grupo que indique a ou o mestre, tendo en conta as fortalezas e habilidades de cada quen.
Antes de escoller o tipo de produto que o teu grupo vai elaborar, debes chegar a unha serie de acordos. A continuación, tes os pasos para esta toma de decisións.
Pasos a seguir:
Escoller a información
Cada equipo debe escoller a información que incluirá no seu produto. O profesor ou profesora diravos como.
Preguntas básicas
As preguntas básicas a responder sobre a idea, suceso, período ou personaxe serán:
- Localización histórica (liña do tempo).
- A vida das mulleres nesa época (recorda o teu compromiso con María de Souto).
- Por que foi importante.
- Relación cos nosos tempos.
- Aquela información que o equipo considere relevante.
Fontes seguras
A busca para completar a información debedes facela empregando fontes seguras que cumpran cos requisitos que xa coñeces.
Elección do produto final
Agora que xa tes claras estas decisións, marca o elemento no que te queres especializar para coñecer os pasos para a súa elaboración:
Recorda! Só tes que escoller un dos produtos. Cal cres que será mellor para aproveitar as fortalezas do teu equipo?