3.1. Entre castelos e labregos

Glosario

Sociedade estamental

Definición:: Era a maneira de organizar a sociedade na Idade Media e Idade Moderna. Estaba dividida en tres estamentos: nobreza, clero e pobo. Normalmente, unha persoa non podía cambiar de estamento: por exemplo, se nacías no pobo, era moi difícil chegar a formar parte da nobreza ou obter privilexios. O clero non era un estamento de nacemento, senón de acceso: os seus membros procedían xeralmente da nobreza ou, en menor medida, do pobo.
Exemplo:: A sociedade estamental era unha sociedade onde uns tiñan moitos privilexios e outros ningúns.

Sociedade feudal

Ilustración dunha pirámide onde se definen os estamento da sociedade medieval: nobreza, clero e o terceiro estado.

Definición:: É unha maneira de organizar a sociedade onde o rei é o máis poderoso e déixalle terras aos nobres e os señores feudais. Os señores feudais tiñan castelos e terras. Estas terras traballábaas o campesiñado a cambio de protección. O campesiñado tiña moito traballo e poucos dereitos. Esta sociedade era tamén estamental, xa que non se podía cambiar de posición.

Exemplo:

Na Idade Media a vida organizábase mediante unha sociedade feudal.

As pistas da carta

No descubrimento atopado vimos como Rosa, era unha antepasada medieval.

Iluminadora de manuscritos, podes tentar imaxinar a súa vida nun pequeno mosteiro preto do Camiño de Santiago.

Podes pensar, polo tanto, na importancia da Igrexa, do traballo do campo e da vida nos castelos.

Grazas ás súas palabras, poderás achegarte a como era vivir naquela época tan distinta á túa.

A Idade Media (séculos V-XV)

A Idade Media é a etapa histórica que comeza co fin dun gran imperio, o Imperio Romano de Occidente, e que remata coa chegada de Colón a América no 1492. Durante todos estes séculos aconteceron moitas cousas, pero vamos ver primeiro as características principais deste período.

Características da Idade Media:

Sociedade feudal

Sociedade estamental: nobreza, clero, campesiñado.
A maioría da poboación era campesiña e traballaba nas terras dos señores feudais.
A nobreza vivía en castelos ou pazos.

Vivenda e alimentación

Casas de madeira e barro para o campesiñado; castelos de pedra para a nobreza.
Alimentación baseada en pan, verduras, ovos e pouco consumo de carne.

O poder da igrexa

Só os monxes e nobres tiñan acceso á educación.
A transmisión do coñecemento facíase en latín e a través de manuscritos.
Os mosteiros foron centros de coñecemento.

Lectura facilitada

A Idade Media é a etapa histórica que comeza co fin do Imperio Romano.

Remata coa chegada de Colón a América no 1492.

Características sociais da Idade Media:

Sociedade feudal.
Sociedade estamental: nobreza, clero, campesiñado.
A maioría da poboación era campesiña e traballaba nas terras dos señores feudais.
A nobreza vivía en castelos ou pazos.

Vivenda e alimentación
Casas de madeira e barro para os campesiñado; castelos de pedra para a nobreza.
Alimentación baseada en pan, verduras, ovos e pouco consumo de carne.

O poder da igrexa
Só os monxes e nobres tiñan acceso á educación.
A transmisión do coñecemento facíase en latín e a través de manuscritos.
Os mosteiros foron centros de coñecemento.