Saúdo inicial e presentación do tema

O primeiro paso sempre ten que ser dar a benvida ao público e dicir quen es. Tamén debes anunciar de que vas falar.

Exemplo: “Bo día, son Carla e hoxe vou falarvos da imprenta e da súa importancia na Historia.”

Introdución

É importante espertar o interese da audiencia, dá unha breve explicación que contextualice o tema. Serve para situar a quen escoita.

Exemplo: “Durante moitos séculos, os libros copiábanse a man e só uns poucos podían ler…”

Desenvolvemento

É a parte principal. Aquí explícase o contido con orde, claridade e exemplos. Pódese dividir en apartados ou ideas principais. O ideal é expoñer tres ideas.

Exemplo: “Gutenberg foi quen perfeccionou os tipos móbiles…” etc.

Apoios visuais

Imaxes, presentacións ou obxectos, por exemplo, axudan a entender mellor o que se está a dicir.

Exemplo: Usar  unha presentación de diapositivas mentres falas.

Conclusión ou peche

Resume as ideas máis importante e remata a exposición. Pódese incluír unha reflexión, unha pregunta final ou unha frase para lembrar.

Exemplo: “Por obra da imprenta, o coñecemento espallouse por toda Europa. Grazas pola vosa atención.”

Actitude e voz

É a forma de falar, de estar, de mirar ao público… É importante falar con claridade, bo ritmo e mirando a quen escoita. Recorda proxectar a voz.

Quenda de preguntas

Se hai tempo, e de forma opcional, podes deixar que o público pregunte dúbidas ou comente algo ao final.