É unha maneira de organizar o goberno na que o rei ou raíña teñen todo o poder e non necesitan consultar ninguén para tomar decisións.
Exemplo:
No absolutismo os reis ou as raíñas poden facer as leis sen ter en conta a ninguén máis que o seu propio beneficio.
Heliocentrismo
Definición:
É a idea de que o Sol está no centro do Universo e os planetas orbitan ao seu redor. Ata que Nicolás Copérnico descubriu esta realidade a xente pensaba que a Terra estaba no centro do universo.
Exemplo:
Na Antigüidade críase que o Heliocentrismo non era certo.
Protestantes
Definición:
É unha rama do Cristianismo que iniciou Martin Luther porque non lle gustaba como facían as cousas na rama Católica. Cren en Deus e Xesús, pero diferéncianse dos Católicos en algunhas cousas, como non ter Papa ou non adorar imaxes de santos e virxes. O seu libro sagrado é a Biblia.
Exemplo:
Nas igrexas protestantes hai líderes ou pastores que guían o culto.
Que sucedeu na Idade Moderna?
O tempo no que viviu María de Souto tamén estivo cheo de feitos moi relevantes e de cambios:
Século XV e XVI
A chegada de Colón a América (1492)
Descubrimento dun novo continente para o pobo europeo.
Cambio nas rutas comerciais e no poder mundial.
A Reforma Protestante (1517)
Martin Luther desafía a Igrexa Católica.
División do cristianismo en católicos e protestantes.
A imprenta de Gutenberg (1440 - 1450)
Fomenta a difusión do coñecemento e da cultura.
Favorece a alfabetización e a ciencia.
A chegada dos Habsburgo ao trono español (S. XVI)
España convértese nunha potencia mundial nos reinados de Carlos I e Filipe II.
Expansión do Imperio Español en América.
Século XVII
A Revolución Científica (S. XVI - XVII)
Novas teorías, como a heliocéntrica de Copérnico.
Avances en medicina, astronomía e física.
Século XVIII
A Revolución Francesa (1789)
A caída da monarquía absoluta en Francia e o inicio da democracia moderna.
O lema era: "Liberdade, igualdade e fraternidade".
A Revolución Industrial (finais do XVIII)
Comezou en Inglaterra coas primeiras máquinas de vapor e as fábricas.
Cambiou a economía e a sociedade.
Lectura facilitada
O tempo no que viviu María de Souto tamén estivo cheo de feitos moi relevantes e de cambios:
Século XV (quince) e XVI (dezaseis). A chegada de Colón a América (1492). Descubrimento dun novo continente para os europeos. Cambio nas rutas comerciais e no poder mundial.
A Reforma Protestante (1517) Martín Lutero desafía a Igrexa Católica. División do cristianismo en católicos e protestantes.
A imprenta de Gutenberg (1440 - 1450) Fomenta a difusión do coñecemento e da cultura. Favorece a alfabetización e a ciencia.
A chegada dos Habsburgo ao trono español (S. XVI [dezaseis]) España convértese nunha potencia mundial nos reinados de Carlos I e Filipe II. Expansión do Imperio Español en América.
Século XVII (dezasete) A Revolución Científica (S. XVI [dezaseis] - XVI [dezasete]) Novas teorías como a heliocéntrica de Copérnico. Avances en medicina, astronomía e física.
Século XVIII (dezaoito) A Revolución Francesa (1789) A caída da monarquía absoluta en Francia e o inicio da democracia moderna. O lema era: "Liberdade, Igualdade e Fraternidade".
A Revolución Industrial (finais do XVIII [dezaoito]) Comezou en Inglaterra coas primeiras máquinas de vapor e as fábricas. Cambiou a economía e a sociedade.
Audio
Século XV e XVI
Século XVII
Século XVIII
Apoio visual
Continúa a liña do tempo
Agora que xa coñecedes os feitos máis importantes da Idade Moderna, tedes que ampliar a liña do tempo histórica.
Lembrade manter a orde cronolóxica e a estética clara.
Para avaliala podedes empregar a rúbrica que está na seguinte páxina.
