O reto final será difundir os vosos descubrimentos nun congreso de Historia. Poderedes escoller entre crear paneis divulgativos ou unha exposición oral con diferentes soportes visuais.
Para logralo ides:
Antes de iniciar esta investigación histórica, cubre estes cadros:
Antes: reflexiona sobre o que sabes sobre a Idade Media e a Idade Moderna e a importancia da divulgación. Escribe 3 ideas. Fai 2 preguntas sobre cousas que che dean curiosidade. Escribe unha comparación.
Despois: Esta parte tela que deixar para o final do camiño, para facer o mesmo. Escribirás 3 ideas, farás 2 preguntas e escribirás unha comparación.
Serán moi diferentes as túas ideas de "antes" comparadas coas de "despois"? Comeza a andar o camiño para descubrilo.
Podes descargar a ficha e cubrila. Lembra gardala ao remate. Consulta co profesorado o xeito de cubrila.
Antes de comezar convídote a pasar polo teu diario de aprendizaxe.
Este diario vaite acompañar ao longo de todas as fases e irache mostrando todo o que consegues de cara a completar o reto.
Sigue sempre as instrucións para cubrilo porque ás veces hai que cubrilo en grupo, pero outras é individual.
Adiante! A comezar!
Licenciado baixo a Licenza Creative Commons Atribución Non-comercial Compartir igual 4.0