Un laboratorio debe ser un lugar moi ordenado, xa que corremos o perigo de mesturar as cousas. Se isto pasase, os resultados das investigacións poden verse alterados.

No noso laboratorio sempre traballamos con moitísimo coidado pero, nun descoido, varios obxectos de distintas épocas acabaron mesturados coa carta de María de Souto.

Para proseguir coa investigación necesitamos que nos axudes a descubrir a que época pertence cada obxecto para clasificalos correctamente no noso almacén e seguir descubrindo máis cousas sobre Rosa, María e o seu manuscrito sen medo a estragar a investigación.