3.2. Cando todo comezou a mudar

Glosario

Burguesía

Definición:: É un grupo de persoas que se dedicaban a ser comerciantes, banqueiras, artesás ricas ou donas de talleres e non pertencían nin á nobreza nin ao pobo traballador. Foi unha das revolucións sociais que apareceron na Idade Moderna.
Exemplo:: Se unha persoa conseguía ser unha moi boa artesá, na Idade Moderna, tiña a posibilidade de pertencer á burguesía .

Comercio internacional

Definición:: É a venda que un país fai dos seus produtos a outro país.

Exemplo:

España ten comercio internacional de laranxas con Alemaña.

Linguas vernáculas

Definición:: É unha lingua propia dun lugar, que é falada alí no seu día a día.
Exemplo:: A lingua vernácula de Galicia é o galego.

Rutas oceánicas

Definición:: Eran os camiños por onde se movían os barcos para ir dun continente a outro co cometido de comerciar, explorar ou conquistar.
Exemplo:: A ruta oceánica das especias era a que seguían os barcos de Europa a Asia.

As pistas da carta

Séculos despois, outra muller traballadora dunha imprenta en Santiago, retoma a misión.

Probablemente a súa vida transcorre nun lugar cheo de movemento, libros, noticias e viaxeiros chegados de moitos lugares.

A sociedade cambiou entón, con avances nun mundo que comezaba a abrirse cara ao futuro.

A Idade Moderna

A Idade Moderna é a etapa histórica que comeza coa chegada a América no 1492 e remata coa Revolución Francesa en 1789. Durante todos estes séculos aconteceron moitas cousas pero vamos ver as características principais deste período.

Sociedade e traballos

Aparece un novo estamento social: a burguesía (comerciantes e artesáns).
Desenvolvemento do comercio internacional e das rutas oceánicas.

Vivenda e alimentación

As cidades medran, con novas rúas e prazas.
Casas de pedra para comerciantes; pazos para a nobreza.
Aumenta o consumo de carne e especias grazas ás rutas comerciais.

Escola e cultura

A imprenta permite maior acceso á educación.
O saber comeza a escribirse en linguas vernáculas, non só en latín.
Expansión das Universidades.

Lectura facilitada

A Idade Moderna á a etapa histórica que comeza coa chegada a América no 1492.

Remata coa Revolución Francesa en 1789.

As características sociais deste período son:

Sociedade e traballos
Aparece un novo estamento social: a burguesía (comerciantes e artesáns).
Desenvolvemento do comercio internacional e das rutas oceánicas.

Vivenda e alimentación
As cidades medran, con novas rúas e prazas.
Casas de pedra para comerciantes; pazos para a nobreza.
Aumenta o consumo de carne e especias grazas ás rutas comerciais.

Escola e cultura
A imprenta permite maior acceso á educación.
O saber comeza a escribirse en linguas vernáculas, non só en latín.
Expansión das Universidades.