A maxia das estrelas

Glosario

Panel solar

Ilustración que representa a enerxía solar

Definición:: É un dispositivo que está deseñado para captar a enerxía do sol e transformala en calor.
Exemplo:: Para aproveitar a enerxía solar precisamos instalar paneis solares nas nosas vivendas.

Fotovoltaico

Definición:: Fai referencia á produción de enerxía eléctrica a partir da enerxía solar.
Exemplo:: Os paneis fotovoltaicos úsanse para producir a enerxía eléctrica a través da enerxía do sol e pódense colocar nos tellados das casas.

A enerxía solar

Ilustración que representa a enerxía do sol

Outro tipo de enerxía renovable é a enerxía solar. Este tipo de enerxía non é tan abundante na nosa comunidade autónoma, xa que precisa Sol e calor como fonte de enerxía e non sempre podemos contar con ese recurso.

Como xera enerxía o Sol?

O sol emite enerxía en forma de luz e calor. Esa calor cáptase con paneis solares térmicos ou fotovoltaicos, que transforman a enerxía da radiación solar noutros tipos de enerxía (por exemplo, para quentar a auga ou para a calefacción das nosas casas).

Vantaxes da enerxía solar

É unha enerxía ecolóxica: non xera residuos.
É unha enerxía inesgotable.
O impacto no medio ambiente é menor que noutros tipos de enerxías renovables, como na eólica.
A enerxía que xera pódese almacenar para empregar cando precisemos.

Desvantaxes da enerxía solar

A súa montaxe é moi custosa.
É unha enerxía que depende da temperatura ambiente (a menos horas de luz, menos enerxía xerada.
Os paneis solares producen un impacto ambiental na paisaxe cando se montan en grandes extensións para producir enerxía a grande escala.

Ilustración que representa unha casa con paneis solares Ilustración que representa paneis solares

Lectura facilitada

A enerxía solar tamén é renovable.

En Galicia é menos empregada pola falta de sol.

Como xera enerxía o Sol?

— O sol xera enerxía en forma de luz e calor.

— A calor cáptase cos paneis solares .

— Os paneis transforman a enerxía do sol noutras formas de enerxía (quentar auga).

Vantaxes da enerxía solar:

Non xera residuos.
Non se esgota.
Impacto menor no medio ambiente que outro tipo de enerxías.
A enerxía pódese almacenar.

Desvantaxes:

Montaxe cara.
A enerxía que se produce depende da temperatura do medio.
Os paneis producen un impacto ambiental nas paisaxes.

Audio

Mans á obra!

Nalgunhas cidades e vilas, o alumeado público funciona grazas á enerxía solar. Nesta ocasión imos deseñar un farol que acenda con enerxía solar.

Descrición

Os paneis solares están deseñados para captar a enerxía solar e transformala en enerxía eléctrica, permitindo iluminar as nosas rúas e reducindo o custo enerxético. Nesta ocasión, podemos empregar unha lanterna que simule o sol.

Materiais

Placa solar.
Cables de crocodilo.
Un LED.
Cartón ou cartolina para deseñar un farol.

Pasos a seguir

- Engancha un cable no extremo positivo da placa solar (por exemplo, de cor vermella) e no extremo positivo do LED.
- Engancha un cable no extremo negativo da placa solar (por exemplo, de cor negra) e no extremo negativo do LED.
- Cando a placa solar reciba luz, acenderá o LED. Podes empregar unha lanterna para ver o efecto.
- Coloca o LED na parte superior do farol.

Ilustración que representa unha placa solar escolar