Descifrar é descubrir o contido dun texto a partir de imaxes ou símbolos.
Recibimos unha mensaxe secreta e temos que descifrala.
Unha interferencia é unha interrupción no son que impide entender o audio que se quere escoitar.
Non puidemos escoitar ben a túa mensaxe, xa que se escoitaban moitas interferencias.
Atención exploradoras e exploradores! Unha alumna do noso centro descifrou unhas interferencias misteriosas, que recibiu no club de ciencias mentres realizaba un experimento espacial, e solicita a nosa axuda urxente!
Ola,
Podedes oírme?
Chámome Flipi. Vivo nun planeta chamado Carbonus. Esperamos que alguén do planeta Terra nos poida oír e nos axude.
Os habitantes do noso planeta non fixeron caso das advertencias do noso departamento de sustentabilidade. Neste lugar, os combustibles fósiles abundaban, pero fixemos un uso excesivo do carbón, petróleo e gas natural para obter enerxía. Agora, a nosa situación é desesperada xa que esgotamos todas as nosas reservas.
Non dispoñemos de luz nin electricidade. Tampouco podemos usar os medios de transporte. Que podemos facer? Por favor, precisamos da vosa axuda urxente.
Licenciado baixo a Licenza Creative Commons Atribución Non-comercial Compartir igual 4.0