Peza que transforma a enerxía cinética en enerxía eléctrica.
Exemplo:
Os aeroxeradores producen enerxías máis limpas.
Aspas
Definición:
Mecanismo en forma de xe dos muíños de vento que permite o movemento.
Exemplo:
As aspas do aeroxerador son moi grandes.
Enerxía cinética
Definición:
A enerxía prodúcese grazas ao movemento.
Exemplo:
O pedaleo produce enerxía cinética.
Alternador
Definición:
Máquina que xera corrente.
Exemplo:
O alternador transforma a enerxía cinética en enerxía eléctrica.
Enerxía eólica
Como xa viches anteriormente, podemos obter enerxía directamente da natureza de materias primas renovables. Unha fonte de enerxía renovable moi abundante en Galicia é o vento. A enerxía eólica transforma a enerxía do vento en electricidade. Pero... Como o fai?
Para producir enerxía a través do vento precisamos uns aeroxeradores. O vento move as aspas do aeroxerador producindo enerxía cinética, que se transforma en enerxía eléctrica grazas a un alternador. Esta enerxía eléctrica distribúese, a través da rede eléctrica, ata as nosas casas. Podemos atopar aeroxeradores de forma illada, un ou dos soamente, pero o máis común é atopar parques eólicos formados por moitos aeroxeradores.
Os parques eólicos poden atoparse en terra, como o parque eólico de A Capelada (Cedeira), ou no mar, como o WindFloat Atlantic, en augas de Portugal.
Lectura facilitada
Podemos obter enerxía da natureza a partir de materias primas renovables.
O vento é unha enerxía renovable moi común en Galicia.
A enerxía eólica emprega a forza do vento para producir electricidade.
Necesitamos aeroxeradores con aspas.
O vento move as aspas e produce enerxía cinética.
A enerxía cinética transfórmase en enerxía eléctrica coa axuda dun alternador.
A enerxía eléctrica chega as nosas casas pola rede eléctrica.
Os aeroxeradores poden estar agrupados, formando parque eólicos, ou illados.
Audio
Mans á obra
Agora é a vosa quenda. Imos construír un mini aeroxerador co que podamos transformar a enerxía do vento en enerxía eléctrica coa que acender unha luz.
Descrición
O vento é aire en movemento. Este movemento produce enerxía cinética, o cal reproducimos a través da roda. Ao xirar a roda, producirá enerxía que se transmite ao motor e este acenderá a luz.
Materiais
Depresores de madeira ou cartón para facer as aspas do aeroxerador.
Tubo de cartón para facer a base do aeroxerador.
Un pequeno motor.
Unha roda que nos permita xirar o motor.
Un LED.
Un cartón para facer unha casa (pode ser un cartón de leite reutilizable).
Pasos a seguir
Deseña as aspas do eólico e pégaas á roda.
Crea a base do eólico.
Coloca as patas do LED nos cables que proceden do motor. Lembra que a pata longa do LED é o ánodo positivo e, a pata curta, é o ánodo negativo.
Coloca a roda no motor e xírao para ver como acende o LED.
.png "Eólico (ARASAAC)")
Definición:
