Actuar
Agora que xa exploramos Carbonus e coñecemos os recursos que podemos empregar para devolver a enerxía eléctrica a ese planeta, é o momento de traballar en grupo para realizar as maquetas. Unha maqueta é unha creación a tamaño reducido dunha construción. Neste caso, o voso proxecto amosará como grazas as enerxías renovables é posible producir enerxía eléctrica, permitindo acender as luces da maqueta.
Descrición
Cada grupo elaborará unha maqueta, na que incluiredes:
- 1 aeroxerador, para acender unha luz grazas á enerxía eólica.
- 1 panel solar, para acender unha luz grazas á enerxía solar.
- 1 xerador hidráulico, para acender unha luz grazas á enerxía hidráulica.
Cada grupo decidirá os elementos decorativos da maqueta (a forma das casa, as cores, as rúas...). Polo que cada maqueta será diferente e terá como resultado unha diversidade de ideas para compartir e aprender.
Preparación
- Grupos formados previamente por 4 integrantes, segundo as tarxetas que vos tocaron ao comezo do proxecto.
- Cada grupo terá un cartón ou cartón pluma sobre o que realizar a maqueta (70 cm x 50 cm). Será a base sobre a que iredes poñendo os diferentes elementos da vosa maqueta.
- Lembrade que, antes de recortar e pegar, primeiro deberedes pensar, buscar ideas, organizar e deseñar.
- Traballades en grupo, polo que non esquezades que a opinión de cada membro é moi importante, debendo respectar as diferentes ideas e chegar a acordos.
Exposición
Unha vez rematadas as maquetas, chega o momento de amosar ao resto da escola e ás familias o noso gran traballo e o moito que aprendemos sobre as enerxías renovables.
Para iso, organizaremos unha xornada de congreso científico. Onde poderedes compartir as vosas achegas científicas cos demais grupos.
