Glosario

Magnetosfera

Definición:: É unha capa que rodea o planeta, creada polo movemento do núcleo externo, e funciona como escudo protector contra as tormentas solares.
Exemplo:: A Terra compórtase como se tivera un imán no interior, xerando un campo magnético que dá lugar a magnetosfera.

A magnetosfera

Como acabamos de estudar, aínda que o Sol é clave para a vida tamén pode supor unha ameaza. As tormentas solares que emite poden causar problemas nos sistemas eléctricos e de comunicación.

Que repercusión tivo no noso planeta a tormenta solar de 1859. Que ocorrería se fose na actualidade?

Para protexerse das tormentas solares, a Terra conta cun escudo natural: a magnetosfera. O noso planeta actúa como un enorme imán, xerando un campo magnético que desvía e protexe das tormentas solares. Podes velo máis claramente con este simulador:

A continuación, segue as indicacións e responde no teu caderno:

Cuestión 1

Desactiva todos os campos e preme en:

"Earth", onde observas como a Terra actúa como un imán.
"Magnetic field": a Terra xera un campo magnético.

Debúxao

Cuestión 2

Fíxate ben e responde: o norte magnético coincide co norte xeográfico?

Cuestión 3

O compás (tamén chamado agulla de marear):
- Compórtase como un imán e alíñase con outros imáns, neste caso a Terra.
- Indica sempre o norte xeográfico.
- Tendo en conta a información anterior, o compás se aliña co sur magnético ou co norte magnético? Por que?
  Compróbao premando en en "compass" aliñando a agulla cara o norte xeográfico.

Lectura facilitada

O Sol é clave para a vida pero tamén supón unha ameaza.
O Sol emite as chamadas tormentas solares.
Estas tormentas solares poden causar problemas nos sistemas eléctricos e de comunicación.
A Terra posúe un escudo natural chamado magnetosfera.
O noso planeta actúa como un enorme imán xerando un campo magnético.
O campo magnético protéxenos das tormentas solares