A materia nos ecosistemas realiza un circuíto pechado: non se degrada. Fai un percorrido cíclico a través dos seres vivos e o medio ambiente.
Exemplo:
O carbono fai un percorrido cíclico entre a atmosfera e os seres vivos.
Fluxo de enerxía
Definición:
O fluxo de enerxía nos ecosistemas é unidireccional: entra en forma luminosa e sae en forma térmica (calor).
Exemplo:
A orixe do fluxo de enerxía nun ecosistema está no sol.
Relacións tróficas
Definición:
Son as relacionadas coa alimentación.
Exemplo:
Nunha cadea trófica imos distinguir os produtores de alimento e os consumidores.
O sistema Terra e os seus subsistemas
Os seres vivos constitúen a parte viva do noso planeta pero non habería vida na Terra sen os seus compoñentes non vivos nin, sobre todo, as relacións e interaccións que teñen lugar entre o que está vivo (os organismos) e o que non o está (a materia inerte).
O noso planeta compórtase como un todo formado por un conxunto de partes que interactúan entre si; os catro subsistemas terrestres:
Atmosfera.
Hidrosfera.
Xeosfera.
Biosfera.
A ciencia fala da Terra como un sistema formado por catro grandes partes que están relacionadas entre si, e unha das consecuencias da interacción entre todos os subsistemas terrestres é a vida, a presencia dos seres vivos da biosfera.
O ser humano forma parte da biosfera como un ser vivo máis; é dicir, é un compoñente máis da biodiversidade terrestre.
A diferencia co resto dos organismos que forman a parte viva do planeta (a biosfera) é que o ser humano, coas súas actividades directas e indirectas, altera as condicións do planeta dunha forma cada vez mais acelerada e desequilibrante para o sistema Terra e todos os seus compoñentes.
Algúns científicos consideran que, cada vez mais, a especie humana forma parte dun subsistema diferenciado chamado antroposfera que ten unha gran capacidade de alterar e desequilibrar o resto dos subsistemas terrestres.
É moi importante entender como funciona o noso planeta para saber o que debemos facer para conservalo e chegar así a ter unha convivencia sostible que permita camiñar cara ao chamado desenvolvemento sostible.
Os seres vivos e a materia inerte (non viva) interactuamos e convivimos no noso planeta formando parte dos ecosistemas.
A Terra é tamén un gran ecosistema no que conviven e interactúan todos os seres vivos (a biosfera) e o resto dos seus compoñentes (a atmosfera, a hidrosfera e a xeosfera).
A Terra é o ecosistema global chamado Ecosfera.
Lectura facilitada
Non habería vida na Terra sen os seus compoñentes non vivos.
E as interaccións que teñen lugar entre o que está vivo (os organismos) e o que non o está (a materia inerte).
O noso planeta é un conxunto de partes que interactúan entre si.
Os catro subsistemas terrestres:
Atmosfera.
Hidrosfera.
Xeosfera.
Biosfera.
O ser humano forma parte da biosfera como un ser vivo mais.
Pero o ser humano coas súas actividades altera as condicións do planeta.
Produce un desequilibrio no sistema Terra e todos os seus compoñentes.
A especie humana forma parte dun subsistema diferenciado chamado antroposfera.
Ten unha gran capacidade de alterar e desequilibrar o resto dos subsistemas terrestres.
É moi importante entender como funciona o noso planeta.
Saber o que debemos facer para conservalo.
Camiñar cara ao chamado desenvolvemento sostible.
Os seres vivos e a materia inerte (non viva) interactuamos e convivimos no noso planeta formando parte dos ecosistemas.
A Terra é un gran ecosistema no que conviven e interactúan todos os seres vivos (a biosfera) e o resto dos seus compoñentes (a atmosfera, a hidrosfera e a xeosfera).
