Desenvolvemento da sociedade sen comprometer o futuro da mesma.
Exemplo:
A queima de combustibles fósiles vai na contra do desenvolvemento sostible.
Ecoloxía
Definición:
É a ciencia que estuda as relacións entre os seres vivos e o seu ambiente.
Exemplo:
A relación entre distintas especies como a depredación é obxecto de estudo pola ecoloxía.
Ecosfera
Definición:
É o ecosistema global do planeta Terra.
Exemplo:
Todos os seres vivos están incluídos na ecosfera.
Ecosistema
Definición:
Conxunto de seres vivos xunto co lugar onde se atopan e as relacións que se establecen entre eles e co medio.
Exemplo:
O meu acuario é un ecosistema de auga salgada.
A vida é interacción
Un famoso biólogo estadounidense chamado Barry Commoner enunciou unha serie de leis que el denominou “Leis da Ecoloxía”.
A primeira das súas leis dicía o seguinte:
“Todo está relacionado con todo o demais. Hai unha única ecosfera para todos os organismos vivos e o que afecta a un, afecta a todos”
A palabra mais importante da súa lei é o termo relacionado.
No medio natural, relacionar e interactuar poden considerarse termos sinónimos.
Todos os compoñentes da Terra interactúan entre si, relaciónanse de moi diversas formas.
Son precisamente as interaccións as que caracterizan ao noso planeta e a nós, os seres vivos, como constituíntes dun dos seus subsistemas: a biosfera.
Se agora volves ler a frase que Barry Commoner utiliza na súa primeira lei poderás entendela mellor.
E hai outra palabra moi importante na súa lei: o termo única.
Volve ler outra vez a frase e verás que, na súa segunda parte, di que hai unha única ecosfera para todos os organismos.
E iso é precisamente o obxectivo e o reto que vas acadar con este percorrido polos sistemas de vida: camiñar polo estudo dos ecosistemas cara á súa comprensión para, mediante un reto final, acadar unha serie de compromisos e hábitos saudables para os seres vivos, o planeta no que habitamos e as interaccións que dan lugar a unha situación de equilibrio sostible que é a que mantén a vida na Terra (á que chamamos tamén Ecosfera).
Bota unha ollada ao vídeo que tes a continuación antes de seguir o teu camiño por este proxecto.
No vídeo, o narrador utiliza o termo Ecoloxía integral para referirse á ciencia que estuda os ecosistemas que forman a Terra (é o que estuda a Ecoloxía) dun xeito integral.
A túa primeira tarefa será entender a razón pola que se usa a palabra integral cando se fala de coidar a Ecosfera; é dicir, o planeta que é a casa de todos.
Empezamos!
Como nos imos comprometer co planeta para coidalo e conservalo?
O primeiro que imos facer é coñecelo e entender como os seus compoñentes, de xeito coordinado, interactúan para manter o seu equilibrio dinámico.
Lectura facilitada
Un famoso biólogo estadounidense chamado Barry Commoner enunciou as "Leis da Ecoloxía".
A primeira das súas leis dicía o seguinte:
Todo está relacionado con todo o demais.
Hai unha única ecosfera para todos os organismos vivos.
O que afecta a un faino a todos.
Todos os compoñentes da Terra interactúan entre si.
Como nos imos comprometer co planeta para coidalo e conservalo?
O primeiro que imos facer é coñecelo.
Audio
Que vas aprender?
Ao longo deste recurso aprenderás a:
Coñecer os compoñentes dun ecosistema.
Explicar as características xerais dos principais ecosistemas terrestres e acuáticos.
Recoñecer os impactos ambientais sobre a atmosfera, hidrosfera, xeosfera e biosfera.
Identificar nun ecosistema os factores desencadeantes de desequilibrios.
Relacionar a preservación da biodiversidade, a conservación do medio ambiente, a protección dos seres vivos da contorna, o desenvolvemento sostible e a calidade de vida.
Propoñer e adoptar hábitos sostibles.
Lectura facilitada
Ao longo deste recurso aprenderás a:
Coñecer os compoñentes dun ecosistema.
Características xerais dos principais ecosistemas terrestres e acuáticos.
Recoñecer os impactos ambientais.
Factores desencadeantes de desequilibrios.
Relacionar a conservación do medio ambiente e a calidade de vida.
A palabra mais importante da súa lei é o termo relacionado.