Chuvia de ideas

• Anota no encerado unha ou dúas respostas, empregando as mínimas palabras posibles, á seguinte pregunta:

Cales son as diferenzas, se pensas que as hai, entre natureza e medio ambiente?

• Agora, fai o mesmo, pero respondendo a:

Cales son as diferenzas, se pensas que as hai, entre ecoloxía e ecoloxismo?

Unha imaxe vale máis que mil palabras...

• Fíxate ben nas imaxes que van aparecer na pantalla, e tenta asociar cada unha cos catro termos que queremos diferenciar.  Encaixan cos que dixo a persoa profesora?

Creación de definicións

• En grupos de tres ou catro persoas, tentade crear unha definición para cada termo, baseándovos na palabra clave que vos vai facilitar a persoa profesora, e asociando as imaxes con cada termo.
• Só tendes 10 minutos para facelo!

Posta en común

• Agora cando se vos indique, lede en alto as vosas definicións, e, ensinade as imaxes asociadas.
• Hai moitas diferenzas, aínda?

Colle o caderno...

• Agora xa deberías ter claro os conceptos, así que redacta, no teu caderno, unha definición para cada termo