3.1 Ter ideas nunca veu mal

Glosario

Creador ou creadora de contido

Pictograma que representa a unha persoa traballando nun ordenador

Definición:: Persoa encargada de elaborar contido orixinal e atractivo ca fin de posicionar unha marca e/ou conectar cunha audiencia.
Exemplo:: Hai moito creador de contido na plataforma "Tik Tok"

Avanzamos coa gramática

A continuación, antes de avanzar ca consecución do reto, presentámosche unha colección dos determinantes en galego.

É importante telos presentes de cara a unha correcta redacción, tanto para a lenda como para ofertar actividades no reto final.

Os determinantes

Accede ao arquivo de descarga. Abre nunha xanela nova. — **Artigos**

**Determinan aos substantivos e concordan en xénero e número**

**Determinados**

**Singular** **Plural**

**Masculino** o os

**Feminino** a as

**Indeterminados**

**Singular** **Plural**

**Masculino** un *uns*

**Feminino** *unha* *unhas*

•
Ás veces na escrita pódese empregar a denominada "segunda forma do artigo" (lo, la, los, las) despois de certas palabras:

*Mais, e mais: Xosé e mailo seu curmán.*
*Por: fun pola rúa; viu polo camiño.*
*Tras: hai un restaurante tralo desvío.*
*Todos, todas: tódolos problemas veñén xuntos; xogo con tódolos nenos*
*Ambos, ambas: ámbolos sobriños son dun tempo*

•
Tamén hai que ter en conta que aparecen contraídos ao coincidir cunha preposición:

*A (cos determinados: á, ao (ó), ás, aos(ós)*
*Con (co, ca, cos, cas, cun, cunha, cuns , cunhas)*
*De (do, da, dos, das; dun, dunha, duns, dunhas)*
*En (no, na , nos , nas; nun, nunha, nuns, nunhas)*

**Demostrativos**

**Os demostrativos son determinantes que acompañan ó substantivo e que indican distancia ou proximidade no espazo ou no tempo respecto daquelo do que fala o emisor ou emisora:**

**Masculino** **Feminino** **Neutro**

**Singular** **Plural** **Singular** **Plural** **Singular**

**Proximidade ao emisor** *este, ese* *estes, eses* *esta, esa* *estas, esas* *isto, iso*

**Distancia** *aquel* *aqueles* *aquela* *aquelas* *aquilo*

Os demostrativos contraen coas preposicións en e de do seguinte xeito:

*este* *estes* *esta* *estas* *isto*

de *deste* *destes* *desta* *destas* *disto*

en *neste* *nestes* *nesta* *nestas* *nisto*

Faríase do mesmo xeito cas restantes formas: ese (dese, nese), aquel (daquel, naquel)

**Posesivos**

**Os demostrativos acompañan un substantivo e cando substitúen a este, funcionan como pronome.**

Os posesivos indican posesión ou pertenza dun obxecto atribuída a unha ou varias persoas.

**Persoa** **Singular** **Plural**

**Singular** **Masculino** **Feminino** **Masculino** **Feminino**

1ª *meu* *miña* *meus* *miñas*

2ª *teu* *túa* *teus* *túas*

3ª *seu* *súa* *seus* *súas*

**Plural** 1ª *noso* *nosa* *nosos* *nosas*

2ª *voso* *vosa* *vosos* *vosas*

3ª *seu* *súa* *seus* *súas*

**Indefinidos**

**Fan referencia a unha cantidade de maneira imprecisa ou indeterminada.**

O determinante indefinido acompaña o substantivo e tamén pode exercer de pronome se vai só:

*Algo, alguén, ninguén, nada*

Existen determinantes indefinidos variables. Son aqueles que teñen *xénero e número:*

*algún(s) - algunha(s)*
*moito(s) - moita(s)*
*certo(s) - certa(s)*
*todo(s) - toda(s)*
*bastante(s)*
*nigún(s) - ningunha(s)*
*pouco(s) - pouca(s)*
*outro(s) - outra(s)*
*demasiado(s) – demasiada(s)*

E tamén existen determinantes indefinidos invariables:

*Cada, calquera, máis, menos, demais*

Os indefinidos poden contraer coas preposicións:

*algún* *algunha*

de *dalgún* *dalgunha*

en *nalgún* *nalgunha*

**Numerais**

O determinante numeral expresa cantidade. Pode funcionar como todos os determinantes ou como pronome cando vai só, cando non acompaña o substantivo. Os determinantes numerais poden ser ordinais ou cardinais.
•
Os ordinais indican orde na súa colocación ou dentro dun grupo.

*Primeiro caixón, segundo piso, terceiro, cuarto.*
•
Os cardinais informan sobre a cantidade exacta de elementos.

*Un vaso, dúas bicicletas, catro libros, seis mesas.*
•
Os determinantes cardinais a partir de vinte escríbense separados.

*Vinte e un, vinte e sete, trinta e cinco.*

**Descarga estes cadros**

Creadores de contido

Como de seguro saberedes, hoxe en día o volume de información que manexamos nas redes sociais é enorme. Moitas veces é necesario facer unha criba ou pasarlle o que se denomina “un filtro” a toda esa información para saber que é real e así non caer en loiadas ou nas tamén denominadas fake news. Sóache?

Galicia está a ser un motor en auxe en canto a creadores e creadoras de contidos culturais ou científicos, e o mellor de todo… fanse en galego!

Para que poidas enfocar o reto final de diversas formas, propoñémosche que prestes atención aos seguintes exemplos de creación de contido en galego. Hainos de moitos tipos, pero quizais algún deles acheguen ideas para crear algún apartado do tríptico final.

Todos e todas eles foron considerados mellores creadores de contido do ano 2023 e 2022.

Toxío: páxina web de viaxes.

Divulgadora de contido en galego en xeral, e en particular de aspectos relacionados ca lingua e literatura galega.

Profesor de historia que pescuda na historia de Galicia nun formato de entrevista e reportaxe.

**Vídeo de Esther Vázquez e o seu famoso Dígocho Eu, que segue sendo unha forma de aprender o galego dun xeito divertido e ameno.**

Lectura facilitada

As redes sociais teñen moita información que debemos filtrar.

As fake news son noticias falsas que nos enganan e confunden.

Os creadores de contidos son persoas que comparten información de todo tipo nas redes sociais.

Galicia ten moitos creadores de contidos na actualidade que fan contidos culturais.

Imos ver diferentes exemplos de creadores de contidos galegos.

Foron premiados nos anos 2022 e 2023.

Audio

Nota

Como podes comprobar, dentro de todos os exemplos que che acabamos de propoñer, existen multitude de formas de expresarse.

Isto é fundamental telo en conta de cara ao reto final xa que puideches ver que se enfoca a transmisión de contidos en varios formatos e incluso utilizando varios tipos de texto. É dicir, nun mesmo formato, podemos conxugar textos narrativos, poéticos ou expositivos informativos.

Lectura facilitada

Existen moitas formas de expresarse.

O reto final enfócase na transmisión de contidos en varios formatos e utilizando varios tipos de texto.

Podemos mesturar textos narrativos, poéticos ou informativos.

Actividade na biblioteca

En grupos, procurade información na biblioteca sobre persoas autoras galegas homenaxeadas nos últimos anos polas letras galegas e fai unha selección daqueles que aparecen nela.

Seleccionade algún texto de cada un deles (repartíndovos o traballo). Logo lede en voz alta cada un dos seleccionados para que así o grupo escoite todo. Cada un de vós comentade e anotade no caderno as vosas preferencias.

Cal vos gustou máis? Por que?

Como axuda: podedes visitar a páxina da RAG (abre nunha xanela nova) para realizar a selección dos autores. Como o número de autores é moi extenso, centrádevos nos autores do Século XXI que se dedicaran á narrativa.

Lectura facilitada

Imos á biblioteca e escollemos

un autor homenaxeado nas Letras Galegas.

Escollemos un texto

para a súa lectura na clase.

Audio

Obra publicada con Licencia Creative Commons Reconocimiento Compartir igual 4.0

	Singular	Plural
Masculino	un	uns
Feminino	unha	unhas

	Masculino		Feminino		Neutro
	Singular	Plural	Singular	Plural	Singular
Proximidade ao emisor	este, ese	estes, eses	esta, esa	estas, esas	isto, iso
Distancia	aquel	aqueles	aquela	aquelas	aquilo

	este	estes	esta	estas	isto
de	deste	destes	desta	destas	disto
en	neste	nestes	nesta	nestas	nisto

Persoa		Singular		Plural
Singular		Masculino	Feminino	Masculino	Feminino
	1ª	meu	miña	meus	miñas
	2ª	teu	túa	teus	túas
	3ª	seu	súa	seus	súas
Plural	1ª	noso	nosa	nosos	nosas
	2ª	voso	vosa	vosos	vosas
	3ª	seu	súa	seus	súas

	algún	algunha
de	dalgún	dalgunha
en	nalgún	nalgunha

Creador ou creadora de contido

Artigos

Demostrativos

Posesivos

Indefinidos

Numerais

Descarga estes cadros

Toxío: páxina web de viaxes.

Divulgadora de contido en galego en xeral, e en particular de aspectos relacionados ca lingua e literatura galega.

Profesor de historia que pescuda na historia de Galicia nun formato de entrevista e reportaxe.

Vídeo de Esther Vázquez e o seu famoso Dígocho Eu, que segue sendo unha forma de aprender o galego dun xeito divertido e ameno.

**Vídeo de Esther Vázquez e o seu famoso Dígocho Eu, que segue sendo unha forma de aprender o galego dun xeito divertido e ameno.**