Un gran número de peregrinos chega anualmente a Santiago a través dos seus diferentes camiños como o Francés ou Norte.
Santiago de Compostela é a capital de Galicia.
O turismo de masas encheu as praias da costa mediterránea, dificultando o seu goce por parte da poboación local.
Precisamos que o turismo da nosa cidade sexa sostible e permita a convivencia de todos os cidadáns.
A cidade de Santiago de Compostela non aguanta máis!
Dende hai anos, dáse unha chegada masiva de turistas á cidade a través do Camiño de Santiago, o cal comeza a afectar á vida diaria da veciñanza.
O Camiño de Santiago, aínda que existe dende a Idade Media, comezou a darse a coñecer a nivel mundial coa promoción do ano Xacobeo 1993 e coa idea do cura do Cebreiro, Elías Valiña, de pintar as frechas amarelas que indican a ruta ata Compostela. A popularidade do Camiño non parou de medrar, chegando a recibir o título de “Ruta de sendeirismo máis famosa do mundo” por parte dalgúns medios de comunicación. Segue a bater marcas cada ano e, o que un día era algo totalmente positivo para a cidade, hoxe fai dubidar a moita xente.
Algunha vez pensaches que consecuencias negativas pode ter o turismo nunha localidade?
O Camiño de Santiago dáse a coñecer a nivel mundial.
O Camiño leva moitos turistas á cidade de Santiago de Compostela.
Hai dúbidas de se é algo positivo.
Podemos cambiar isto entre todos.
Pensa consecuencias negativas do turismo nunha localidade.
Cando viaxamos e somos parte de grupos grandes nunha cidade, podemos tender a falar en voz alta e non respectar, así, os momentos de descanso da veciñanza que vive nese lugar.
O turismo tamén pode favorecer a que o comercio local acabe pechando en favor dos grandes centros comerciais ou tendas enfocadas á venda de produtos baratos e de baixa calidade para os turistas.
A grande afluencia de persoas que visitan temporalmente as localidades turísticas, fan que as persoas aluguen vivendas para uso turístico en vez de para a residencia permanente. En consecuencia, a escaseza de oferta de alugueiro provoca unha suba dos prezos.
Falar en voz alta cando estamos en grupos grandes pode molestar á veciñanza.
O comercio local pecha e tendas de produtos de baixa calidade para turistas ocupan o espazo.
Soben os prezos do alugueiro.
Estas consecuencias negativas dun turismo de masas están empezando a verse noutros lugares de Galicia (Rías Baixas, Praia das Catedrais, Vigo, a Ribeira Sacra...), pero...
Poderiamos reverter esta situación? Si, podemos ser parte do cambio de tendencia concienciando á xente para que faga turismo doutro xeito.
Consecuencias negativas tamén noutros lugares de Galicia.
Podemos ser parte do cambio.
Recoñecer elementos de distintos tipos de textos.
Elaborar distintos tipos de textos.
Distinguir o turismo de masas do turismo sostible.
Traballar cos valores de empatía, respecto, responsabilidade ou tolerancia.
Empregar determinantes e signos de puntuación.
Obra publicada con Licencia Creative Commons Reconocimiento Compartir igual 4.0