Os textos e vídeos do apartado anterior corresponden aos denominados textos informativos ou expositivos.
A pesares de que resultan interesantes, teñen diferenzas evidentes ante os denominados textos narrativos.
Aquí tedes un exemplo dun:
O bocoi de viño de pedra maciza da fachada de Santa Clara, en Compostela
"Esta historia está relacionada coa construción, por parte do arquitecto barroco Simón Rodriguez, da súa obra máis emblemática, a fachada-telón de Santa Clara, en Compostela, falsa fachada que non o é de ningunha igrexa. Cóntase que lle dixeron ao arquitecto, en sé tabernaria, que aquela parede, tan alta, tan pesada, con tal mundo de adornos de pedra, se ía derrubar. Vai ser causa de desgraza, insistían. El apostou unhas cuncas: a fachada non vai caer, que aínda pode soster un bocoi de viño de pedra maciza. E acordou colocar o cilindro. Até hoxe, a fachada, sen dúbida a máis ousada e moderna do barroco compostelán, velaí a temos, desde o 1719, coroada co seu cilindro de pedra ou bocoi de viño. Polas tabernas, onde aínda hoxe maduran os viños co son grave do badalo da campá das horas da Berenguela, circula outra versión, que se cadra completa a anterior. O arquitecto colocoulle o bocoi de viño a Santa Clara, sinxelamente porque a santa é unha borracha."
Texto de Xosé Luís Santos Cabanas. A Galicia encantada. Xullo de 2012. (abre nunha xanela nova)
Lectura facilitada
Le o exemplo de texto narrativo.
Audio
Actividades
A continuación, propoñemos unha serie de actividades para que traballes esta historia.
Lectura facilitada
Actividades para traballar o texto narrativo anterior.
Opción A
Escoita a seguinte texto e completa cas palabras correctas.
Que tipo de palabras son?
Moi ben, supoño que saberás de que tipo de palabras se tratan, non si? efectivamente dos determinantes.
