O noso reto consistirá en promover a nosa localidade dun xeito respectuoso ca poboación e co contorno. Para facer isto, realizaremos un tríptico turístico (produto final) para o que deberás ir facendo as seguintes tarefas:

Primeiro reto: coñece todo o posible sobre o texto narrativo, así como a forma axeitada de contar historias. Unha vez teñamos todo, poderás afrontar a primeira parte do tríptico:

- Crea ou adapta unha lenda acontecida no lugar onde vives. 

Segundo reto: indaga sobre as estruturas poéticas e os recursos literarios e expresivos que posúen os poemas e as cancións. Deste xeito, podemos afrontar a nosa segunda encomenda:

- Crea ou adapta un poema ou canción que describa a túa localidade.

Terceiro reto: para completar o tríptico, busca o maior número de información posible sobre actividades que se poden facer na túa zona sen afectar de forma negativa ao patrimonio histórico e natural nin á veciñanza, información sobre lugares que merecen unha visita e tamén sobre produtos que tedes no voso concello ou concellos veciños.

- Elabora pequenos textos que presenten actividades a realizar, así como lugares de interese e produtos locais.

Este tríptico non ten que ser un produto final cun formato único escrito, senón que pode ser enfocado a través da utilización de todos aqueles recursos audiovisuais cos que contedes no voso centro (gravación de vídeo, audio, podcast…).