Unha vez comprobado que tes un circuíto completo e accesible a todo o alumnado, debes deixalo por escrito elaborando un debuxo explicativo (esbozo), detallando as diferentes probas e habilidades necesarias, o material necesario e a súa colocación, e tamén a orde na que se debe percorrer.

A continuación, terás uns consellos que che axudarán a crear un esbozo perfecto. E non esquezas completar a túa lista de cotexo con todos os obxectivos propostos!

1. Recordas o bosquexo que fixeches na fase de "pensa e idea"? Servirache de base para poder crear o teu documento definitivo!

2. Non esquezas detallar o máximo posible as diferentes probas e sucesións de habilidades necesarias, utilizando o nome dos diferentes movementos da corda e do parkour.

3. De todos os xeitos, recorda que o circuíto pode ser superado de diversas formas por cada participante, polo que non é estritamente necesario que sigan as vosas pautas na súa execución. Aínda así, debedes expoñer como propoñedes vós que é a mellor maneira para superalos.

4. Elabora o documento por escrito, o máis ordenado e limpo posible. É teu produto final completado, polo que debe ser coidado na súa presentación.

5. Deberás entregar o documento final (ficha de grupo) ao teu docente. Garda unha copia para ti, necesitarala cando presentes o teu circuíto ao resto da clase.