O voso grupo de traballo elaborará unha enquisa sobre un tópico coñecido na vosa contorna, un tópico do que o común da xente poida ter unha opinión. O voso pequeno traballo de investigación analizará os nosos xuízos, prexuízos e información asumida sobre a contorna e os datos reais cos que contamos e que axudan a definir rigorosamente ese tema. En definitiva, a nosa enquisa vai investigar sobre opinións e realidades; animádesvos?

Para elaborar unha pequena enquisa primeiro tedes que escoller un tema que vos pareza interesante, que poida ter opinións máis o menos coñecidas e a realidade das cales poida ser comprobada a través de datos oficiais contrastables. Como exemplo:

•  Temos menos instalacións deportivas que outros concellos da contorna.
• O alumnado novo vive nun mundo máis difícil que o antigo.

Podedes empregar calquera outra pregunta que consideredes axeitada e sobre a que pode estar actuando unha falta de información por emprego dalgún dos sesgos que xa coñecemos ou por tópicos habituais.

Paso 1.  Deliberade sobre un tema e acadade un acordo. (podedes empregar a dinámica da infografía para poder explorar temas e chegar a acordos)

Paso 2. Deseñar a enquisa (podedes empregar o material auxiliar sobre deseño e interpretación de datos)

Paso 3. Búsqueda de información a través das entrevistas á vosa mostra.

Paso 4. Comprobación ou non e formulación dunha estratexia para comunicar o problema do prexuízo.

A realización de enquisas é unha técnica común e sobre a cal podedes atopar moita información se tedes dúbidas sobre a súa realización.