Coñece o laboratorio
Outeiro do Byte
Laboratorio
A esfera pública na era dixital
Coa idea de esfera pública describimos a necesidade dunha conversación aberta na que se discuten os temas de interese público e valórase o seu desenvolvemento. A vitalidade desa esfera público da idea da vitalidade dunha sociedade democrática e da importancia da participación de toda a cidadanía nos aspectos que son da súa responsabilidade.
O ambiente de debate coa aparición da prensa escrita como das tertulias nas cafetarías e nos salóns foron relevantes na aparición das democracias a partir do século XVIII. Os medios de comunicación de masas durante todo o século XX deron tamén forma a esa esfera. Na actualidade as redes sociais e as conversacións a través de plataformas virtuais son elementos decisivos para esa esfera pública.
Nesta sección atenderase a un aspecto desa conversación: a credibilidade e forza argumentativa das mensaxes que se intercambian.
Que vai facer o equipo?
O voso equipo vai experimentar coas formas de comunicación dixital de tipo argumentativo e como conseguir distinguir aquelas que teñen máis solidez daquelas que non son cribles. Especialmente:
- Identificar os compoñentes dun texto argumentativo.
- Formular enunciados condicionais e as súas dimensións lóxicas e retóricas.
- Adaptar as mensaxes argumentativas a contextos virtuais de discusión.
Dinamómetro argumentativo
- Duración:
- 5 sesións
- Agrupamento:
- Grupo de traballo (3-5)
Imos construír un dinamómetro da argumentación que indique a forza argumentativa de cada mensaxe.
Trátase de construír un instrumento que permita ao Concello de Outeiro do Byte determinar se unha mensaxe está a expresar só unha opinión ou se esa mensaxe está defendendo con solidez unha opinión que merece ser profundizada.
Imos distinguir entre os espazos de opinión e os espazos de intercambio de ideas a través da forza das mensaxes.
O deseño e optimización deste dinamómetro vai ter tres fases:
- Deseño inicial
- Fase de probas en contextos reais
- Programación mediante oracións condicionais do dinamómetro
Este deseño desenvolverase en tres seccións nas que o voso equipo irá descubrindo en que consiste medir a argumentación mediante esa ferramenta que chamamos dinamómetro argumentativo, empregará unha técnica análoga a programar esa ferramenta e por último discutirá como mellorala e aplicala ao contexto de redes sociais.
Percorrido
Licenciado baixo a Licenza Creative Commons Recoñecemento Compartir igual 4.0