REA do alumnado da situación de aprendizaxe 03 de Lingua galega e literatura de 1º da ESO realizada a partir das unidades didácticas modelo de PROENS 4 e 5.

Neste REA o alumnado é de 1º curso da ESO, polo que comeza tamén etapa educativa e necesita adaptarse ao centro e coñecer os compañeiros e compañeiras. Por iso, as actividades serán variadas e compaxinarase o traballo individual co traballo de grupo. As actividades grupais contribuirán a conseguir unha  maior cohesión do grupo. Haberá tarefas orais, dixitais ou de uso do caderno.

A finalidade do REA é que o alumnado cree unha revista de literatura e cultura para xente moza.

Contén diversas tarefas para poder chegar a este reto final. Nestas actividades o alumnado irá elaborando materiais que logo utilizarán para elaborar a revista literaria. 

Coas actividades conseguirán varias destrezas:

- Mellorarán a comprensión lectora e a comprensión de textos escritos.
- Aprenderán técnicas para que os textos que escriban se entendan moito mellor.
- Aprenderán a gravar un booktrailer.
- Coñecerán outras linguas da Península Ibérica, saberán onde se falan e aprenderán a dicir termos básicos.

- Aprenderán a deseñar unha revista literaria.

Carolina Pérez Capelo

Beatriz González Blanco

Eduard del Castillo Velasco