Recipiente onde se depositan as cartas que se envían, que pode estar situado na oficina de correo ou noutros lugares da vía pública. Tamén se lle chama así ao recipiente onde o persoal de correos recolle as cartas para logo repartilas aos seus destinos.
Exemplo:
Fun á caixa do correo e nela recollín as cartas que enviaron os nosos familiares de Francia.
Ilustración
Definición:
Debuxo, gravado, lámina ou fotografía que acompaña, adorna ou documenta un libro.
Exemplo:
O debuxo forma parte das ilustracións da revista.
Que vas facer nesta fase?
Agora que xa recordaches o que sabías sobre as linguas da Península Ibérica e sobre os textos narrativos, chegou o momento de que vos poñades mans á obra e comecedes a crear a vosa revista literaria e cultural para xente moza.
Nesta fase traballarás en equipo para analizar a obra narrativa que escolliches na fase 1. Reflexionaredes en grupo sobre a lectura, comentaredes o seu argumento, intercambiaredes opinións e estudaredes as súas características principais: tipo de narrador, personaxes, espazo e tempo.
A continuación, cada equipo recollerá nunha recensión os resultados da análise e reflexión común sobre a obra. Nas vosas recensións incluiredes:
Unha breve traxectoria do autor ou da autora
Un resumo
A lista de personaxes principais e de personaxes preferidos
Unha análise do espazo e do tempo
O tipo de narrador
Un comentario das ilustracións
Unha opinión persoal ben argumentada
Despois, escribirás un novo texto narrativo partindo da obra que liches. Poderás escoller entre unha noticia, unha secuela, un final alternativo...
Tanto a recensión en equipos coma a narración individual publicaranse na revista, co cal é moi importante que estean ben escritos. Por isto, antes de pasar á seguinte fase, revisarás a ortografía, a puntuación e os tempos verbais dos teus textos e corrixirás os erros que poidas atopar.
Finalmente, aprenderás cales son as diferentes partes dunha carta. Isto é importante porque na seguinte fase terás que escribir unha carta formal dirixida a un instituto doutra comunidade autónoma. Por agora, para practicar, escribiraslle unha carta informal a unha persoa amiga.
Lectura facilitada
Agora é o momento de crear a vosa revista literaria
Xa lembrastes o que sabedes sobre:
As linguas da Península Ibérica.
Os textos narrativos.
Agora comezades unha nova tarefa: crear unha revista literaria e cultural para xente nova.
Traballo en equipo
Vas traballar en grupo coa obra que escolliches na primeira parte da unidade.
Que faremos?
Ler a obra narrativa.
Falar en grupo sobre o que lemos.
Comentar o argumento da historia.
Compartir opinións.
Analizar cousas importantes da obra, como:
O narrador
Os personaxes
O espazo (onde pasa a historia)
O tempo (cando pasa)
Escribir unha recensión
Cada equipo escribirá unha recensión, que é un texto onde se comenta unha obra.
Nesa recensión escribiredes:
A vida do autor ou da autora.
Un resumo da historia.
A lista dos personaxes principais.
Os personaxes que máis vos gustaron.
Unha análise dos lugares e da época na que pasa a historia.
O tipo de narrador.
Un comentario sobre as ilustracións.
A vosa opinión, para deixar claro se vos gustou ou non vos gustou a obra.
Crear un novo texto narrativo
Logo escribirás un novo texto baseado na historia que liches.
Poderás escoller entre:
Escribir unha noticia.
Imaxinar unha continuación da historia (secuela).
Imaxinar un final diferente.
Revisar os textos
É importante que os textos estean ben escritos.
Por iso, antes de publicar os textos na revista:
Revisarás a ortografía.
Corrixirás os erros de puntuación.
Comprobarás os tempos verbais.
Escribir cartas
Tamén vas aprender como se escribe unha carta.
Primeiro practicarás cunha carta informal, dirixida a un amigo ou a unha amiga.
Despois escribirás unha carta formal para outro instituto doutra comunidade autónoma.
Agora que xa recordaches o que sabías sobre as linguas da Península Ibérica e sobre os textos narrativos, chegou o momento de que vos poñades mans á obra e comecedes a crear a vosa revista literaria e cultural para xente moza.