Definición:
Publicación periódica que pode ser de temática variada (científica, literaria, de entretemento...). Caracterízase por conter moitas ilustracións e por estar impresa nun papel de maior calidade ca o dun xornal.
Exemplo:
Estiven lendo un artigo sobre o antigo Exipto nunha revista de historia.
Continuamos co noso REA. Xa elaboramos as recensións dos libros, os booktrailers e os novos textos narrativos. Neste apartado ímonos achegar xa á edición da revista.
O encanto da revista está en que se fai moi amena a súa lectura ao combinar as ilustracións co texto. Ademais, ao poder tela impresa podemos conservala e lela cando queiramos. A primeira parte da revista que vai chamar a atención da persoa lectora é a portada, por iso é moi importante a súa escolla. Na imaxe da esquerda temos a portada da revista Nós, unha revista publicada a principios do século XX na que podemos observar unha coidada ilustración.
Neste apartado imos editar a revista.
Unha revista é amena porque o texto con ilustracións.
Ademais, pódese conservar porque está impresa.
O primeiro que chama a atención é a portada.
É moi importante escoller ben a imaxe da portada.
Trátase da cuberta frontal da revista. Na portada da vosa revista incluiredes algúns datos fundamentais como o título, as persoas autoras ou o tipo de revista.
Lista ordenada dos contidos da revista que indica as páxinas nas que se encontra cada contido.
Artigo que está situado ao principio da revista e que habitualmente vai sen sinatura. Nel normalmente reflíctese unha opinión colectiva.
No editorial da vosa revista faredes unha reflexión común sobre a experiencia de elaborar a revista. Podedes falar das dificultades que tivestes, das satisfaccións...
Son os distintos contidos polos que está integrada a revista.
Na vosa revista incluiredes recensións de libros, os novos textos narrativos e os booktrailers aos que se pode acceder a través dun código QR.
As ilustracións (debuxos, fotografías, pinturas...) enriquecen os textos e serven para complementar a información dada.
Trátase da cuberta posterior da revista. Aquí engadiredes un resumo dos contidos da revista, destacando a información máis relevante.
Logo de redactar e corrixir todos os textos, chega o momento de maquetar a revista.
Maquetar consiste en darlle forma ao documento, decidir cal é a súa estrutura, como distribuímos as seccións ou onde van as ilustracións. Tamén hai que ter en conta as marxes e os espazos que deixamos, cal é o tipo e tamaño de letra ou que cores de fondo escollemos. Na maquetación cobra un especial interese a imaxe que escollemos para a portada, por ser o primeiro que ven as persoas lectoras.
Despois de ter o documento elaborado chega o momento de editar, é dicir, de revisar todo o contido antes de que sexa divulgado. Hai que asegurarse de que a revista teña unha coherencia tanto nos contidos (seccións) coma na forma (tipo de letra, ilustracións que acompañan o texto...). A edición pode ser electrónica (para que a publicación se lea en liña) ou física, se se imprime por medio dunha imprenta ou mesmo cunha fotocopiadora.
A divulgación é o último paso da cadea. Logo de facer todo o traballo chega o momento de compartir coas persoas lectoras a revista literaria. Os exemplares da revista pódense distribuír entre a comunidade educativa, e reservaranse algúns para a biblioteca. Ademais, pódeselles ofrecer o documento ás bibliotecas da zona, centros culturais, centros de día... No caso desta revista, tamén se enviará a outros centros de ensino de fóra de Galicia mediante cartas.
En grupos, ides maquetar e editar a revista. A distribución das tarefas será a seguinte:
Cando rematedes, a revista estará lista para imprimir e divulgar!
A maquetación e a edición da revista farédela por grupos.
Finalmente, cando estea todo xunto teredes que facer unha revisión polo miúdo.
Cando rematedes, a revista estará lista!
Xa a poderedes imprimir e divulgar!
Licenciado baixo a Licenza Creative Commons Atribución Non-comercial Compartir igual 4.0