Agora que xa coñeces ben as características dos textos narrativos, chegou o momento de que escribas a túa propia obra narrativa.
Partindo da historia do libro que liches e analizaches nos puntos anteriores, escolle a opción que máis che guste das seguintes e deixa voar a imaxinación!
Escribe unha noticia sobre algún feito acontecido na historia.
As noticias son textos xornalísticos de carácter narrativo: nelas cóntanse acontecementos recentes e de interese público.
Deben ser obxectivas, é dicir, presentar a información con exactitude, sen expresar opinións persoais.
Xeralmente presentan a seguinte estrutura:
Adoitan dar resposta a cinco preguntas:
Imaxina e escribe unha precuela da historia que liches.
Unha precuela é unha obra narrativa que relata feitos anteriores aos doutra obra.
Por exemplo, Ledicia Costas escribiu o libro Escarlatina, a cociñeira defunta e, despois, creou a precuela titulada Esmeraldina, a pequena defunta, na que relata a infancia da protagonista.
Imaxina e escribe unha secuela para a historia que liches.
Unha secuela é unha obra narrativa que relata feitos posteriores aos doutra obra. Sería, para entendernos, unha segunda parte da obra contando novos acontecementos.
Por exemplo, a obra de Paco Martín Das cousas de Ramón Lamote ten unha secuela titulada Das novas cousas de Ramón Lamote. Na segunda parte, Ramón Lamote xa está xubilado, pero seguen a acontecerlle moitas aventuras extravagantes.
Imaxina e escribe un crossover no que se xunten os protagonistas da obra que liches e os doutra historia que a ti che guste (outro libro, unha serie, unha película, un videoxogo...)
Partindo dos feitos que lle acontecen ao protagonista na historia, escribe tres entradas do seu diario persoal.
Un diario é un texto persoal no que o seu autor ou a súa autora vai escribindo o que lle ocorre cada día, os seus pensamentos, sentimentos...
Xeralmente son textos íntimos e escritos para ser lidos soamente por quen os escribe.
Con todo, hai diarios que se publicaron e se fixeron moi famosos, coma o Diario de Ana Frank.
Licenciado baixo a Licenza Creative Commons Atribución Non-comercial Compartir igual 4.0