Lembra anotar as túas reflexións no diario de aprendizaxe!
Lembra que, despois do material descargable, atoparás o diario de aprendizaxe. Convén que o vaias cubrindo cada vez que remates unha nova fase do reto.
O diario de aprendizaxe é o espazo no que vas ir recollendo as experiencias vividas relacionadas co proceso de aprendizaxe ao longo do reto, tanto dentro coma fóra da aula.
A medida que o uses, vas ir desenvolvendo a túa autonomía e a capacidade para reflexionares sobre a aprendizaxe.
Ten en conta, para cubrírelo, as indicacións que che vaia dando o teu profesor ou a túa profesora.
Consulta se o vas cubrir en papel ou como documento de texto e, nese caso, cal vai ser o nome do arquivo.
Lectura facilitada
Lembra que tes un diario de aprendizaxe en cada fase do reto.
Convén que o vaias cubrindo cada vez que remates unha nova fase do reto.
No diario de aprendizaxe tes que escribir a túa experiencia co reto.
Podes escribir tanto o que che pasa dentro da clase coma fóra dela.
Canto máis o empregues mellor escribirás e mellor reflexionarás sobre o que aprendiches.
Tes que seguir as indicacións que che vaia dando o teu profesor ou a túa profesora.
Consulta se o vas cubrir en papel ou como documento de texto.