Glosario

Divulgar

Definición:

Difundir unha publicación, dala a coñecer entre o público.

Exemplo:

Para divulgar a súa obra, o escritor fixo unha presentación literaria.

Nesta cuarta fase vas compartir con outras persoas da túa idade as análises, reflexións e opinións sobre a lectura. Para isto...

Crearás un booktrailer co teu grupo, sobre o libro que lestes e analizastes en equipo. O obxectivo é que outra xente se anime a ler esa obra.
Elaboraredes entre toda a clase unha revista literaria na que incluiredes as recensións e os textos narrativos que escribistes na fase anterior. Para crear unha revista cómpre seguir varios pasos: a revisión dos textos, a maquetación, as ilustracións, a edición, a impresión... Ides aprender que se fai en cada fase ata chegar ao produto final.
Por último, ides publicar e divulgar a revista pola vosa contorna e moito máis lonxe. A vosa revista viaxará tamén a centros doutras comunidades autónomas que, igual ca Galicia, tamén teñen linguas cooficiais. Enviaredes a vosa revista por correo ordinario e acompañarédela dunha carta de presentación.

Nesta fase 4 vas compartir as túas ideas e análises sobre o libro con persoas da túa idade.

Crearás un booktrailer co teu grupo

Traballarás en equipo para crear un booktrailer.

O obxectivo é animar a outras persoas a ler o libro do que fixeches a análise.

Un booktrailer é un pequeno vídeo que resume e presenta un libro de forma atractiva.

Crearás unha revista literaria

Toda a clase faredes unha revista literaria.

Nesta revista estarán as recensións e os textos que escribistes na fase anterior.

Cales son os pasos para facer a revista?

Publicar e divulgar a revista

Este é o último paso.

A revista viaxará a centros doutras comunidades autónomas que tamén teñen linguas cooficiais.

Enviaredes a revista por correo postal.

Acompañaredes a revista cunha carta de presentación.