Saltar navegación

Experimenta!

Actividades: Os trazados xeométricos básicos

Agora é o momento de que experimentedes o aprendido!

Seguro que sodes capaces de entender os conceptos vistos anteriormente cando teñades na man escuadro, cartabón e compás e comecedes a debuxar.

Tedes varios obxectivos que cumprir, estade atentos e atentas!

  1. Trazaredes correctamente rectas paralelas e perpendiculares.
  2. Diferenciaredes os diferentes tipos de ángulos e trazaredes rectas oblicuas con diferente inclinación.
  3. Dividiredes rectas á metade empregando a mediatriz.
  4. Dividiredes ángulos á metade empregando a bisectriz.
  5. Empregaredes nos trazados o escuadro, o cartabón e o compás.

A continuación, tedes tres actividades para escoller. Podedes realizalas combinando os diferentes trazados xeométricos básicos. Lembrade que practicando aprenderedes axiña. 

Lectura facilitada

Agora é o momento de que experimentedes o aprendido!

Seguro que sodes capaces de entender os conceptos vistos anteriormente cando teñades na man o material.

Tedes varios obxectivos que cumprir, estade atentos e atentas!

  1. Trazar correctamente rectas paralelas e perpendiculares.
  2. Diferenciar tipos de ángulos.
  3. Trazar rectas oblicuas.
  4. Dividir rectas á metade empregando a mediatriz.
  5. Dividir ángulos á metade empregando a bisectriz.
  6. Empregar nos trazados o escuadro, o cartabón e o compás.

A continuación, tedes tres actividades para escoller.

Podedes realizalas combinando os diferentes trazados xeométricos básicos.

Lembrade que practicando aprenderedes axiña!

As unha e mil rectas

Que precisas?

Nesta actividade vas practicar o trazado de rectas paralelas entre si.

Para facela precisas unha folla en branco, escuadro e cartabón. Podes empregar lapis de cor ou rotuladores finos. 

Lembra ter o material en bo estado: as regras limpas e os lapis ben afiados.

Para comezar

No papel, marca varios puntos separados entre si. Uns 15 poden ser suficientes.

Cunha regra e lapis de cor ou rotulador fino, une eses puntos con rectas. 

Practicar para aprender

Agora é o momento de practicar o trazado das rectas paralelas entre si. En cada unha das zonas nas que tes dividida a folla, traza paralelas entre si. 

Varía a inclinación das rectas para practicar o trazado de paralelas a 45º, 30º, 60º ou calquera outro ángulo. Tamén podes cambiar de cor para que quede máis vistoso.

Lembra que tes que empregar sempre o escuadro e o cartabón nos trazados. Non te preocupes se non queda perfecto, practicando aprenderás!

Fai clic para ver un exemplo

Imaxe dun exemplo do exercicio con paralelasImaxe dun exemplo do exercicio con paralelas

Cazando xeometría

O material

Para esta actividade vas precisar:

  1. Imaxes recortadas de revistas ou periódicos.
  2. Tesoiras e pegamento.
  3. Unha folla de papel ou cartolina.
  4. Escuadro, cartabón e compás.
  5. Rotuladores ou lapis de cores.

Busca e captura

E agora... a cazar xeometría!

Escolle unha imaxe grande ou varias pequenas.

Marca, empregando as regras, as figuras e trazados xeométricos que recoñezas. 

Observa cantos elementos da realidade teñen forma xeométrica ou poden simplificarse nunha delas.

Comenta o resultado co resto do grupo... quen cazou máis xeometría?

Fai clic para ver un exemplo

Imaxe dunha foto con xeometría marcadaImaxe dunha foto con xeometría marcada

Divide e vencerás

Que precisas?

Para esta actividade precisas o mesmo material que na primeira:

  • Papel.
  • Escuadro e cartabón.
  • Compás.
  • Lapis.
  • Goma.

Todo á metade!

No papel traza varios segmentos en diferentes orientacións, e varios ángulos de diferentes tamaños. 

Práctica o trazado da mediatriz nos segmentos e o da bisectriz nos ángulos.

Coma no caso do trazado das paralelas, coa práctica pronto serás unha experta ou experto na xeometría!

Fai clic para ver un exemplo

Imaxe dun exemplo do trazado de mediatrices e bisectrices

Feito con eXeLearning (Nova xanela)